Enter your Email Address to subscribe to our newsletters
धमतरी, 18 मार्चमासः (हि.स.)।
भक्ति शक्त्योः पर्व चैत्रनवरात्रि एकोनविंशतितमे मार्चदिने आरभ्यते। अस्य पर्वणः निमित्तं नगरे अञ्चले च सर्वेषु देवीमन्दिरेषु सज्जता पूर्णा कृता अस्ति। श्रद्धालुभिः बहुसंख्यया मनोकामना ज्योतिप्रज्वलनार्थं मन्दिरेषु पंजीकरणं कृतम्। चैत्रनवरात्रे मन्दिरेषु आकर्षका विद्युत् सज्जा कृता अस्ति।
चैत्रनवरात्रि एकोनविंशतितमे मार्चदिने शुभमुहूर्ते आरभ्यते। अस्मिन् समये देवीमन्दिरेषु मनोकामना ज्योतिः प्रज्वाल्यते। नगरस्य आराध्यदेव्याः मां विंध्यवासिनी मन्दिरे १५००, गंगरेल स्थिते मां अंगारमोती मन्दिरे ४०००, दानीटोला वार्ड स्थिते शीतला माता मन्दिरे १५०, मराठापारा स्थिते मंदर माई मन्दिरे ५०, गोकुलपुर वार्ड स्थिते शीतला मन्दिरे ४०, तथा गायत्री मन्दिरे, सोरिद वार्ड स्थिते काली मन्दिरे, बसस्थानक समीपे काली मन्दिरे, रिसाई माता मन्दिरे, दंतेश्वरी मन्दिरे, रत्नेश्वरी मन्दिरे रत्नाबाँधा, दुर्गा मन्दिरे बठेना वार्ड च इत्यादिषु स्थलेषु ज्योतिप्रज्वलनार्थं पंजीकरणं कृतम्।
चैत्रनवरात्रौ अधिकांशाः श्रद्धालवः उपवासं कुर्वन्ति। व्रतधारिणः फलानि भुक्त्वा व्रतं समापयन्ति, अतः फलानां मूल्यवृद्धिः जाता अस्ति। वर्तमानकाले सेबफलस्य मूल्यं १५० रूप्यकात् वर्धित्वा २०० रूप्यकं जातम्। तथा सन्तरं ६०-८० रूप्यकात् १०० रूप्यकं, अनारफलम् १२० रूप्यकात् २०० रूप्यकं, अंगूरफलम् ९० रूप्यकात् १८० रूप्यकं, कृष्णाङ्गूरम् १८० रूप्यकात् २२० रूप्यकं, पपीतफलम् ८० रूप्यकात् १३० रूप्यकं, कदलीफलानि ६० रूप्यक प्रति द्वादशसंख्यकात् वर्धित्वा ९०-१२० रूप्यक प्रति द्वादशसंख्यकं जातानि।
श्री विंध्यवासिनी बिलाई माता मन्दिरस्य अध्यक्षः आनन्द पवार उक्तवान् यत् कलशस्थापना १९ मार्च दिने सायं सप्तवादने गोधूलिवेले वैदिकविधिना मन्त्रपाठेन च सम्पद्यते। अस्मिन् अवसरे बहवः श्रद्धालवः उपस्थिताः भविष्यन्ति। मन्दिरप्राङ्गणे प्रतिदिनं विशेषारती, दुर्गासप्तशतीपाठः, भजनकीर्तनं च भविष्यति, येन सम्पूर्णे वातावरणे भक्तिभावः अनुभूयते।
त्रयोविंशतितमे मार्चदिने विशेषपूजार्चना आयोजिता भविष्यति, यत्र श्रद्धालवः स्वपरिवारस्य सुखसमृद्ध्यर्थं भागं ग्रहीष्यन्ति। नवरात्र्याः समापनं षड्विंशतितमे मार्चदिने प्रातः १० वादनात् ११:४८ पर्यन्तं हवनपूजनपूर्णाहुतिभिः सह भविष्यति, तदा प्रसादवितरणं अपि भविष्यति।
गंगरेल स्थितस्य मां अंगारमोती ट्रस्टस्य अध्यक्षः जीवराखनलाल मरई उक्तवान् यत् नवरात्रिपर्वणः सफलआयोजनार्थं प्रशासनसमिति क्रयसमिति भण्डारसमिति जोतसमिति पूजासमिति निगराणीसंमिति च निर्मिताः सन्ति। मन्दिरप्राङ्गणस्य ज्योतिकक्षस्य भवनस्य च स्वच्छता तथा रङ्गरोगणं कृतम्। १९ मार्च दिने सायं पञ्चवादनात् ज्योतिप्रज्वलनम् आरभ्यते। नवरात्रिकाले श्रद्धालवः मन्दिरस्य नूतनं रूपं द्रष्टुं शक्नुवन्ति।
हिन्दुस्थान समाचार