हरिद्वारम्, १८ मार्चमासः (हि.स.)। कनखले स्थिते निर्मल–सन्तपुरे २२तमः आत्मरस–महान–कीर्तन–समागमस्य (गुरमत–समागमः) तथा सन्त–समागमस्य आयोजनम् अभवत्। त्रिदिवसीय–अखण्ड–पाठस्य परम्परायाः अन्तर्गतं आयोजिते अस्मिन् कार्यक्रमे बहुसंख्यकाः श्रद्धालवः उपस्थाय श्री–गुरु–ग्रन्थ–साहिबस्य समक्षं मस्तकं नतवन्तः।

समागमस्य समये डॉ.अलंकार–सिंहः (पञ्जाबी–विश्वविद्यालयः), भाई-जसपाल–सिंहः, भाई-हरजिन्दर–सिंह–खालसा (जालन्धरः) तथा सरबजीत–कौरः शब्द–कीर्तनं प्रस्तूय भावविभोरम् अकुर्वन्।

अस्मिन् अवसरे सन्तः जगजीत–सिंह–शास्त्री अवदत् यत् निर्मल–सन्तपुरेण समये समये धार्मिक–सामाजिक–कार्यक्रमाः आयोजिताः भवन्ति। तेन उक्तं यत् गुरमत–समागमेन सह स्वैच्छिक–रक्तदान–शिविरम् अपि आयोज्यते। सः श्रद्धालून् गुरूणाम् उपदेशान् अनुसृत्य जीवनं सार्थकं कर्तुम् आह्वानम् अकरोत्।कार्यक्रमे बाबा मोहन–सिंहः, सन्तः मनजीत–सिंहः, सन्तः तरलोचन–सिंहः, सन्तः बलजिन्दर–सिंह–शास्त्री, महन्तः जतिन्द्र–सिंहः, महन्तः विक्रमजीत–सिंह–लालः, रविदेव–शास्त्री, महन्तः तीरथ–सिंहः, महन्तः मोहन–सिंहः, महन्तः निर्मल–दासः, स्वामी हरिहरानन्दः, स्वामी सुदीक्षण–मुनिः, स्वामी विष्णुदासः, महामण्डलेश्वरः सन्तोषानन्दः च इत्यादयः बहुसंख्यकाः सन्त–महात्मानः श्रद्धालवश्च उपस्थिताः आसन्।

हिन्दुस्थान समाचार / अंशु गुप्ता