पलवलनगरम्, १९ मार्चमासः (हि.स.)। श्री-विश्वकर्मा-कौशल-विश्वविद्यालये विक्रम-संवत् २०८३ वैदिक-ऋचाभिः सह शुभारम्भः कृतः। कुलगुरुः प्रो.दिनेशकुमारः मुख्य-यजमानरूपेण यज्ञे आहुतिं दत्तवान् तथा सर्वेभ्यः नववर्षे नवरात्रौ च शुभकामनाः प्रदत्ताः।

कैलाश-भवने गुरुवासरे चैत्र-शुक्ल-प्रतिपदा-कार्यक्रमे सः उक्तवान् – “अद्यतन-दिवसः सृष्टेः इतिहासे अति-महत्त्वपूर्णः दिवसः अस्ति। प्रकृतौ नव-रसः मिश्रितः अस्ति, नव-चेतनया सह वयम् नव-कालखण्डे प्रविशामः।” छात्रेभ्यः स्वसंस्कृतेः गर्वं कर्तुं प्रेरितवान्, जीवन-अनुशासनं च पालनं कर्तुं आह्वानं कृतवान्। अनन्तरम्, जीवन-रक्षायै हेलमेट् अनिवार्यं धारयितुम् आदेशः अपि प्रदत्तः।

सामाजिक-कार्यकर्ता शिक्षकः त्रिलोचन-चन्दः विक्रम-संवत्सरस्य महत्वं छात्रेभ्यः व्याख्यातवान्। सः अवदत् – “अस्माकं काल-गणना संस्कृतिः च अतीव प्राचीना अस्ति। अस्माभिः गर्वः कर्तव्यः। विक्रम-संवत्सरेण सह प्राकृतिक-क्रियाणां सुमेलनम् अपि दर्शितम्।”

विश्वविद्यालय-छात्रावास-अधिष्ठात्री डॉ.पिंकी शर्मा छात्रेभ्यः नववर्षस्य शुभकामनाः प्रेषितवती। कैलाश-भवन-अधिष्ठाता डॉ.मोहितश्रीवास्तवः सर्वेषां स्वागतं कृतवान्। हिमाद्रि-भवन-अधिष्ठाता डॉ.भावना रूपराई कृतज्ञतां व्यक्तवती।

छात्रावास-पर्यवेक्षकः सतीशस्य नेतृत्वे कपिलः, प्रवेशः, पारसः, धीरजः, ख्वाहिशः, सुरप्रीतः, वैभवः विज्ञा, विक्रमादित्यः, पुलकितः इत्यादयः सज्जतां कृतवन्तः तथा अतिथिभ्यः नववर्षे पादपरोपणं अपि आयोजितम्।

अस्मिन् अवसरे एस.वी.एस.यू.वरिष्ठ-माध्यमिक-विद्यालयस्य प्राचार्यः सतेंद्रसौरोतः, महिला-छात्रावास-अधिष्ठात्री डॉ.सोनिया शर्मा, अधीक्षकः आदित्यप्रतापसिंहः, डॉ.मनीषः, डॉ.सोहनलालः, अन्ये शिक्षकाः छात्राश्च महतीसंख्यया उपस्थिताः आसन्।

हिन्दुस्थान समाचार / अंशु गुप्ता