Enter your Email Address to subscribe to our newsletters
कोलकाका, 2 मार्चमासः (हि.स.)। केन्द्रीयशिक्षाराज्यमन्त्री डा० सुकान्तमजूमदार तृणमूलकाङ्ग्रेसदलस्य विरुद्धं गम्भीरान् आरोपान् कृत्वा उक्तवान् यत् तत् दलं स्वस्य व्हाट्सएपसमूहे भाजपासमर्थकान् लक्ष्यीकृत्य कुत्सितां योजनां रचयति। मथुरापुरसङ्गठनिकजिले गृहमन्त्रिणः अमितशाहस्य परिवर्तनयात्रासभायां सहभागीभूतानां भाजपाकार्यकर्तॄणां समर्थकानां च युवसाथीयोजना लक्ष्मीर्भाण्डारादीनि शासकीयसुविधानि निरस्तुं धमकी प्रदीयते इति तेन आरोपितम्।
डा० मजूमदार सोमवासरे प्रातःकाले सामाजिकमाध्यममञ्चे एक्स इत्यत्र व्हाट्सएपसंवादस्य एकं चित्रांशं प्रकाशितवान्, यस्मिन् एवंविधा धमकी दृश्यते। तेन तृणमूलकाङ्ग्रेसस्य एषा कथिता चाल समाजविरोधिनी नीचा प्रतिशोधपूर्णा मानसिकता इति निरूपिता। तेन अपि उक्तं यत् स्थानीयबूथनेतृभ्यः निर्देशाः दत्ताः यत् एते जनाः चिह्नीकृत्य भविष्ये लक्ष्यीकर्तव्याः।
एतेन प्रकाशनेन ग्रामीणप्रदेशेषु व्याप्यमानस्य भयआतङ्कमयपर्यावरणस्य उद्घाटनं भवति, यत्र लोकतान्त्रिकाधिकाराणां उपरि आक्रमणं क्रियते इति सः अवदत्। मन्त्री उक्तवान् यत् एवंविधानि धमकीप्रदर्शनानि राजनैतिकप्रतिशोधश्च ग्रामीणस्तरे भयस्य वातावरणं निर्मिमीतः। सः बंगालप्रदेशस्य परिश्रमिणां जनान् अस्य निन्दनीयस्य राजनैतिकप्रतिशोधस्य यथोचितं प्रत्युत्तरं दातुं आह्वानं कृतवान् तथा सर्वाणि प्रमाणानि संग्रहीतुं अपि उक्तवान्।
एतत् वक्तव्यं तस्मिन् समये आगतम् यदा भाजपायाः परिवर्तनयात्रा राज्यव्यापिनि तीव्रतया प्रवर्तते। उल्लेखनीयम् यत् अद्य सोमवासरे मथुरापुरे केन्द्रीयगृहमन्त्री अमितशाह भाजपायाः परिवर्तनयात्रां हरितपताकया उद्घाटयिष्यति।
हिन्दुस्थान समाचार