लखनऊनगरम्, २० मार्चमासः (हि.स.)। राष्ट्रीय-स्वयंसेवक-संघस्य (आरएसएस) सह-सरकार्यवाहः अरुण-कुमारः शुक्रवासरे लखनऊ-नगरं प्राप्तवान्। सः जियामऊ-स्थिते विश्व-संवाद-केन्द्रे संघस्य वरिष्ठ-पदाधिकाऱिभिः तथा भाजपा-कोर-समित्या सह सभां कृतवान्।

अस्यां सभायां संघस्य पक्षतः पूर्व-उत्तरप्रदेश-क्षेत्रस्य क्षेत्र-प्रचारकः अनिलः, पश्चिम-क्षेत्रस्य प्रचारकः महेन्द्रः, पश्चिम-क्षेत्रस्य संघचालकः सूर्यप्रकाश-टोंकः, संयुक्त-क्षेत्र-प्रचार-प्रमुखः कृपाशङ्करः इत्यादयः अपि सहभागिनः आसन्। भाजपा-पक्षतः प्रदेशाध्यक्षः तथा केन्द्रीय-राज्यमन्त्री पङ्कज-चौधरी, प्रदेश-महामन्त्री धर्मपालः, राज्यसभा-सांसदः अमरपाल-मौर्यः च उपस्थिताः आसन्।

विश्व-संवाद-केन्द्रे कोर-समितेः सभायाः उत्तरं संघस्य समवैचारिक-सङ्घटनानां पदाधिकाऱिभिः सह अपि सभाः अभवन्। ततः अनन्तरं सायंकाले मुख्यमन्त्री-आवासे मुख्यमन्त्रिणा योगी-आदित्यनाथेन सह संघ-पदाधिकाऱिणां सभायाः क्रमः आरब्धः। सूत्राणाम् अनुसारं अस्मिन् समागमे अरुण-कुमारेण सह मुख्यमन्त्री योगी-आदित्यनाथः, उपमुख्यमन्त्रिणौ केशवप्रसाद-मौर्यः ब्रजेश-पाठकः च, भाजपा-प्रदेशाध्यक्षः पङ्कज-चौधरी, संघटन-महामन्त्री धर्मपालः, तथा संघस्य अन्येऽपि वरिष्ठ-पदाधिकारिणः उपस्थिताः आसन्।

राष्ट्रीय-स्वयंसेवक-संघस्य संयुक्त-क्षेत्र-प्रचार-प्रमुखः कृपाशङ्करः अवदत् यत् सरकार-संगठनयोः त्रैमासिक-रीत्या सभाः भवन्ति; तस्यैव क्रमस्य अयं अपि भागः आसीत्। अस्यां सभायां संघटन-विस्तारः, अग्रिम-अभियानानां कार्यक्रमाणाञ्च विषये चर्चा कृता।

उत्तरप्रदेशे शीघ्रमेव मन्त्रिमण्डल-विस्तारः सम्भाव्यते

उल्लेखनीयम् यत् सह-सरकार्यवाहः अरुण-कुमारः संघस्य पक्षतः भाजपा-सङ्घटनस्य समन्वय-कार्यं पश्यति। तेन सह लखनऊ-नगरे भाजपा-नेतृभिः सह कृताः सभाः उत्तरप्रदेशे मन्त्रिमण्डल-विस्तारस्य तथा २०२७-विधानसभानिर्वाचनस्य सज्जतायाः, संघटन-विस्तारस्य सामाजिक-समीकरणेन सह सम्बन्धिताः इति मन्यन्ते। अत्रापि श्रीराम-नवमीतः पूर्वं मन्त्रिमण्डल-विस्तारः भवितुमर्हति।

सङ्घटनात्मक-परिवर्तनस्य विषये अपि चर्चा अभवत्

लखनऊनगरे अरुण-कुमारस्य उपस्थितौ सम्पन्नायां समन्वय-सभायां संघस्य संगठनात्मक-संरचनायां सम्भाव्यमान-परिवर्तनानां विषये अपि सूचना दत्ता। अद्यतन-काले हरियाणा-राज्यस्य समालखा-स्थले सम्पन्नायाम् अखिल-भारतीय-प्रतिनिधि-सभा-सभायां प्रान्तस्य स्थाने लघु-एककरूपेण ‘सम्भाग’-निर्माणस्य प्रस्तावः आगतः। अस्यां सभायां सर्वकारस्य जनहित-कार्याणां तथा भाजपा-दलेन सञ्चालितानां अभियानानां विषये अपि विवेचनं कृतम्।

तथा च ‘पञ्च-परिवर्तन’-विषयेषु-सामाजिक-समरसता, कुटुम्ब-प्रबोधनम्, पर्यावरणम्, स्व-आधारित-रचना, नागरिक-कर्तव्यं च- एतेषां विषयाणां प्रवर्तनं अग्रे अपि निरन्तरं कर्तव्यमिति चर्चितम्।

अनुसूचित-समाजस्य यूनां सङ्घटन-संयोगः

सूत्राणाम् अनुसारं संघ-भाजपा-सभायां विभाजनकारी-शक्तिभ्यः निवारणाय रणनीतेः विषये अपि मन्थनं कृतम्। अग्रिम-काले अनुसूचित-समाजस्य यूनः सङ्घटनेन सह संयोजयिष्यन्ति; अस्य कृते भाजपा-विशेष-अभियानं सञ्चालयिष्यति। अपि च सन्त-रविदासस्य जीवन-विषये संघेन तथा तेन सह सम्बद्धैः विभिन्न-सङ्घटनैः अपि अनेके कार्यक्रमाः आयोजयिष्यन्ति।

हिन्दुस्थान समाचार / अंशु गुप्ता