Enter your Email Address to subscribe to our newsletters
नव दिल्ली, 20 मार्चमासः (हि.स.)।
उपराज्यपालः तरनजीत सिंह संधू शुक्रवासरे लोकनिवासे उपवेशनं कृत्वा दिल्लीनगरस्य सर्वेषां विश्वविद्यालयानां कुलपतिभिः निदेशकैः च सह संवादं कृतवान्। उपराज्यपालः सामाजिकमाध्यमस्य एक्स् इत्यत्र लिखित्वा उक्तवान् यत् शिक्षा अस्माकं युवानां राष्ट्रस्य च भविष्यस्य कृते अत्यन्तं महत्त्वपूर्णा अस्ति, विशेषतः प्रधानमन्त्री नरेन्द्र मोदी इत्यस्य विकसितभारतलक्ष्यस्य सिद्धये एषा अनिवार्या अस्ति। सः परिवर्तमानस्य विश्वस्य सन्दर्भे उपाधेः सह रोजगारयोग्यतावर्धककौशलानां महत्त्वम् अपि प्रकाशयत्।
उपराज्यपालः शिक्षाविदः प्रति कृत्रिमबुद्धिमत्ता तथा साइबरसुरक्षा इत्यादिषु उद्भविषु क्षेत्रेषु ध्यानं केन्द्रितुं आग्रहं कृतवान्। सः संस्थानानि स्वीयक्षमताः वैश्विकस्पर्धाक्षमतां च उन्नतयितुं अन्ताराष्ट्रियशैक्षणिकऔद्योगिकसहभागितां स्थापयित्वा तस्य लाभं ग्रहीतुं प्रोत्साहितवान्। उपराज्यपालः सर्वेभ्यः संस्थानेभ्यः आगामिनि बैठके सुदृढां समयबद्धां कार्ययोजनां प्रस्तोतुं निवेदनम् अकरोत्।
---------------
हिन्दुस्थान समाचार