Enter your Email Address to subscribe to our newsletters
मीरजापुरम्, 20 मार्चमासः (हि.स.)।
चैत्र नवरात्रस्य द्वितीयदिने शुक्रवासरे सायंकाले उत्तरप्रदेशस्य कृषिमन्त्री सूर्यप्रताप शाही विंध्यवासिनी मातुः मन्दिरं गत्वा विधिविधानपूर्वकं दर्शनपूजनं कृतवान्। दर्शनानन्तरं सः प्रदेशवासिनां सुखसमृद्ध्यर्थं प्रार्थनाम् अकरोत्।
पत्रकारैः सह संवादे मन्त्री उक्तवान् यत् नवरात्रस्य पावनावसरे मातुः आशीर्वादं प्राप्तुं तस्य सौभाग्यम् अस्ति। सः उक्तवान् यत् प्रधानमन्त्री नरेन्द्र मोदी तथा मुख्यमंत्री योगी आदित्यनाथयोः नेतृत्वे लोककल्याणार्थं प्रचलितानां अभियानानां प्रति मातुः आशीर्वादः निरन्तरं लभ्यताम् इति तस्य कामना अस्ति। सः अपि उक्तवान् यत् प्रदेशे सनातनसंस्कृतेः अनुरूपं ये विकासप्रयत्नाः क्रियन्ते, ते अधिकं सुदृढाः भविष्यन्ति।
मन्त्री अयोध्यायां राममन्दिरनिर्माणस्य उल्लेखं कृत्वा उक्तवान् यत् बहुवर्षपुरातनः संकल्पः अधुना पूर्णः जातः अस्ति तथा च एषः भारतस्य अस्मितायाः प्रतीकः अस्ति। सः प्रदेशसरकारस्य नववर्षीयकार्यकालस्य उल्लेखं कृत्वा उक्तवान् यत् कृषिक्षेत्रे उत्पादनं वर्धितम् अस्ति तथा च कृषकानां राहतायै महत्त्वपूर्णानि पादानि उपन्यस्तानि।
सः उक्तवान् यत् सरकारेण कृषकाणां ऋणमुक्तिः, पीएम किसान सम्मान निधिः तथा अल्पमूल्येन कृषिआवश्यकसामग्रीणां उपलब्धता सुनिश्चितीकृता, येन तेषां स्थिति सुदृढा अभवत्। सह एव वैश्विकसंकटस्य मध्ये पेट्रोलियम गैसयोः आपूर्तिः संतुलिता स्थापिता इति अपि तेन उक्तम्।
---------------
हिन्दुस्थान समाचार