Enter your Email Address to subscribe to our newsletters
सांस्कृतिक आयोजनमेव विश्व शांतिविकासयोः दर्शयिष्यति मार्गम्- जयवीर सिंहः
लखनऊ, 20 मार्चमासः (हि.स.)।
उत्तरप्रदेशस्य राजकीय अभिलेखागारः तथा व्हाइटस्वान आर्ट नवदिल्ली एतयोः सहयोगेन मार्चमासस्य २२ तः २५ पर्यन्तं ‘विश्वशान्तेः स्थैर्यस्य च निमित्तं समर्पितः कला संगीत भोजन उत्सवः’ आयोज्यते। अयं चतुर्दिवसीयः कार्यक्रमः जनान् संयोजयितुं तथा मानवीयमूल्यानां सन्देशं सरलतया प्रभावकरूपेण च प्रस्तोतुं प्रयतते।
अस्य कार्यक्रमस्य उद्घाटनं मार्चमासस्य २२ तिथौ लखनौ नगरे शहीद स्मृति भवनस्थे राज्य अभिलेखागारे भविष्यति। अस्मिन् मुख्यातिथिरूपेण प्रख्यातः कलाकारः लखनऊ विश्वविद्यालयस्य कला महाविद्यालयस्य पूर्व अधिष्ठाता च प्रो जयकृष्ण अग्रवालः उपस्थितः भविष्यति। कार्यक्रमे विशिष्टातिथिरूपेण इतिहासकारः लेखकश्च डॉ रवि भट्टः तथा नवभारत टाइम्स पत्रस्य रेजिडेंट सम्पादकः प्रो सुधीर मिश्रः अपि सहभागी भविष्यतः।
मार्चमासस्य २३ तिथौ व्हाइटस्वान आर्ट संस्थायाः संस्थापिका डॉ अंजली निगम तानपुरे प्रार्थनया कार्यक्रमस्य आरम्भं करिष्यति। ततः अनन्तरं ‘विश्वशान्तेः स्थैर्ये च समर्पिता कला’ इति विषये पैनल चर्चा भविष्यति तथा लखनौ नगरस्य उदयोन्मुख कलाकाराणां संगीत कार्यक्रमः अपि आयोज्यते। प्रदेशस्य विस्मृतभोजनानां अपि स्टालाः स्थाप्यन्ते, यत्र यूनेस्को संस्थया प्रदत्तस्य गैस्ट्रोनॉमी सम्मानस्य उत्सवः आचर्यते।
मार्चमासस्य २४ तिथौ पिसम नाम संस्थया सह विशेषआवश्यकतानां वञ्चितबालकानां च कृते आर्ट कैंपः आयोज्यते, यस्मिन् कलाकाराः तथा कला विद्यालयाः सहभागं करिष्यन्ति। मार्चमासस्य २५ तिथौ कार्यक्रमस्य समापनं भविष्यति।
व्हाइटस्वान आर्ट संस्थायाः उद्देश्यं कला संगीत भोजनादीनां माध्यमेन विश्वे शान्तिं सौहार्दं च स्थापयितुम् अस्ति। एषा संस्था मन्यते यत् कला मानवतायाः परिचायकः अस्ति। अतः उदयोन्मुख कलाकारान् कला विद्यार्थिनः वञ्चितप्रतिभाः च प्रोत्साहयित्वा कलां शान्तेः माध्यमं कर्तुं शक्यते, या राजनैतिकधार्मिकसीमाभ्यः उपरि स्थित्वा जनान् संयोजयति। तथैव संगीतं अपि एतादृशी शक्ति मन्यते या कस्यापि सीमां विना सर्वेषां हृदयानि स्पृशति। ‘रिस्पॉन्सिबल म्यूजिक’ इत्यस्य माध्यमेन युद्धध्वनिं न्यूनीकृत्य शान्तिसन्देशः प्रसारितुं तेषां लक्ष्यं अस्ति।
अस्य आयोजनस्य विषये स्वविचारान् व्यक्तीकुर्वन् पर्यटनसंस्कृतिमन्त्री जयवीर सिंह उक्तवान् यत् कला संस्कृति च केवलं अभिव्यक्तेः माध्यमं न, अपितु समाजं संयोजयितुं मानवीयमूल्यानि सशक्तीकर्तुं च प्रभावी साधनं स्तः। एतादृशाः आयोजनाः न केवलं अस्माकं सांस्कृतिकविरासतां संरक्षन्ति, अपितु नवसंततिं स्वमूलैः सह संयोजयन्तः विश्वशान्तेः सततविकासस्य च दिशि प्रेरयन्ति।
---------------
हिन्दुस्थान समाचार