Enter your Email Address to subscribe to our newsletters
नव दिल्ली, 21 मार्चमासः (हि.स.)।दिल्ली-विधानसभायाः अध्यक्षः विजेंद्र गुप्ता शनिवासरे अष्टम-विधानसभायाः चतुर्थ-सत्रस्य द्वितीय-भागस्य (वित्तीय-सत्रस्य) सिद्धतायाः समीक्षा कृत्वा उक्तवान् यत् आगामि बजट-सत्रं संसदीय-परम्पराणां श्रेष्ठतायाः प्रतीकं भवेत्। तेन विशेषतः उक्तं यत् सदनस्य गरिमां रक्षितुं तथा सार्थक-चर्चां सुनिश्चितुं सर्वेषां सामूहिकी उत्तरदायित्वम् अस्ति।
त्रयोविंशतितः पञ्चविंशतितम-मार्च-पर्यन्तं प्रवर्तमाने अस्मिन् सत्रे अध्यक्षेन सदनस्य अन्तः परिचालन-प्रक्रियात्मक-पक्षयोः विस्तृतं निरीक्षणं कृतम्, येन कार्यवाही सुचारुरूपेण व्यवस्थिततया च संचाल्येत। विजेंद्र-गुप्तेन अद्य विज्ञप्त्या उक्तं यत् सत्र-सज्जतासु तकनीकी-आधुनिकीकरणे विशेष-मनःसंयोगः कृतः अस्ति। विधायी-कार्याणां डिजिटलीकरणस्य दिशि सर्वेषां सदस्याणां उपवेशन-स्थलेषु टैबलेट-यन्त्राणि स्थापितानि सन्ति, येन ते सदन-कार्यवाह्याः, आधिकारिक-दस्तावेजानां तथा विधायी-कार्याणां विषये वास्तविक-समये (रियल-टाइम) प्रवेशं प्राप्स्यन्ति।
अनेन सह सदनस्य राष्ट्रिय-स्वभावस्य सुदृढीकरणाय सत्रस्य आरम्भे एकेन प्रख्यात-गायकेन ‘वन्दे मातरम्’ इति गीतस्य पूर्ण-गायनं जीवत् (लाइव) प्रस्तुतं भविष्यति। अस्मिन् काले सदनस्य पटलस्य उपरि अपि वन्देमातरम्-गीतस्य पङ्क्तयः प्रदर्शिताः भविष्यन्ति, येन राष्ट्रीय-भावना तथा सामूहिक-चिन्तनस्य वातावरणं निर्मीयेत।
दिल्ली-विधानसभा देशस्य प्रथम-एव सभा भविष्यति या सदस्याणां सहायार्थं स्वकीयम् एआई-सक्षमं संवाद-यन्त्रं ‘विधान-साथी’ नाम प्रस्तुतं करिष्यति। एषः एआई-मञ्चः सदस्याणां कृते समर्पितः विधायी-अनुसन्धान-सहायकः इव कार्यं करिष्यति, यः विधेयकानां, अधिनियम-नियम-नीतिविषयाणां च विश्लेषणे दत्तांश-आधारितां सूक्ष्म-सूचनां प्रदास्यति। अस्याः तकनीकस्य माध्यमेन सदस्याः विधायी-कार्येषु अधिक-स्पष्टतया गाम्भीर्येण च सहभागं कर्तुं शक्नुवन्ति, यत् भारतीय-विधायी-इतिहासे एकं मील-शिलारूपेण सिद्ध्यति।
अस्य महत्त्वपूर्ण-सत्रस्य मुख्य-आकर्षणं चतुर्विंशतितम-मार्च-दिने प्रस्तुतः वार्षिक-बजटः भविष्यति। एतत् सत्रं राष्ट्रिय-राजधानी-क्षेत्र-दिल्ली-शासन-विकासयोः दिशां निर्धारयितुं महत्त्वपूर्ण-आर्थिक-नीतिगत-निर्णयानां कृते अत्यन्तं आवश्यकम् अस्ति।
विजेंद्र-गुप्तेन सुरक्षा-विधायी-तांत्रिक-दलानां मध्ये उत्तम-समन्वयस्य सुनिश्चित्यर्थं निर्देशाः दत्ताः, येन लोकतन्त्रस्य अस्य मन्दिरे चर्चायाः स्तरः उच्चतमः एव स्थितः भवेत्।
---------------
हिन्दुस्थान समाचार