देहरादूनम्, २३ मार्चमासः (हि.स.)। उत्तराखण्ड-सर्वकारस्य चतुर्वर्ष-पूर्तेः अवसरे आयोजिते “चार-साल-बेमिसाल” कार्यक्रमे नगरस्य संचलनप्राङ्गणे देशस्य विविध-सांस्कृतिक-परम्परायाः दर्शनं जातम्। मुख्य-कार्यक्रमे उत्तराखण्डस्य लोक-परम्पराः सांस्कृतिक-धरोहराणि च आधृत्य आकर्षक-प्रस्तुतयः प्रदर्शिताः, याभिः दर्शकाः मन्त्रमुग्धाः अभवन्। अस्मिन् अवसरे जनप्रतिनिधयः सर्वकारस्य उपलब्धिनां विषये अपि प्रकाशं कृतवन्तः।

सोमवासरे प्रातःकालादेव संचलन-प्राङ्गणे जनानां समागमः आरब्धः। मुख्य-द्वारेण सहितं सम्पूर्ण-परिसरे विविध-सांस्कृतिक-कार्यक्रमाणां आयोजनं कृतम्, येन सर्वत्र उत्सवमयं वातावरणम् आसीत्। अस्मिन् अवसरे मन्त्री खजान-दासः, डोईवाला-क्षेत्रस्य विधायकः बृजभूषण-गौरोला, सहसपुर-क्षेत्रस्य विधायकः सहदेव-पुण्डीरः च राज्यस्य चतुर्वर्षीय-विकास-कार्याणां वर्णनं कृतवन्तः। ते अवदन् यत् राज्ये आधारभूत-संरचनायाम्, मार्ग-निर्माणे, स्वास्थ्य-शिक्षा-पर्यटन-क्षेत्रेषु च उल्लेखनीया प्रगतिः अभवत्। ते अवदन् यत् जनकल्याणकारी-योजनानां लाभः अन्तिम-जनपर्यन्तं प्रापयितुं कृतप्रयत्नैः समग्र-विकासः सुदृढः जातः, तथा भविष्ये अपि विकास-कार्याणि एवमेव निरन्तरं प्रचलिष्यन्ति।

कार्यक्रम-स्थलस्य मुख्य-द्वारे प्रसिद्धा नन्दा-देवी-राजजात-यात्रा आधारितं मनोहर-प्रदर्शनं विशेष-आकर्षणं बभूव। पारम्परिक-वेशभूषया, लोक-संगीत-नृत्याभ्यां च यात्रायाः धार्मिक-आस्थां सांस्कृतिक-महत्त्वं च प्रभावी-रूपेण प्रस्तूयताम्। तदतिरिक्तं विभिन्न-राज्येभ्यः आगताः कलाकाराः अपि स्व-स्व-सांस्कृतिक-दृश्यं प्रदर्शितवन्तः। विविध-लोक-नृत्य-संगीत-कार्यक्रमाः “एक-भारत-श्रेष्ठ-भारत” इति भावनां साकारयन्तः आयोजनं अधिकं जीवंतं कृतवन्तः।

कार्यक्रमे बहुसंख्यकाः दर्शकाः उपस्थिताः सन्तः प्रस्तुतिनां उत्साहपूर्वकं स्वागतं कृतवन्तः तथा कलाकारान् प्रोत्साहितवन्तः। सांस्कृतिक-कार्यक्रमाः सम्पूर्ण-आयोजनस्य मुख्य-आकर्षणं आसन्, येन देशस्य सांस्कृतिक-एकता-विविधता च एकस्मिन् मंचे प्रदर्शिता। अस्मिन् अवसरे मन्त्रिणः, विधायकाः, महापौरः, मुख्य-सचिवः, डीजीपी इत्यादयः गणमान्य-व्यक्तयः उपस्थिताः आसन्।

हिन्दुस्थान समाचार / अंशु गुप्ता