जौनपुरनगरम्, २४ मार्चमासः (हि.स.)। उत्तरप्रदेशस्य जौनपुर-स्थिते शीतला-चौकिया-धाम्नि चैत्र-नवरात्रस्य षष्ठे दिने मङ्गलवासरे मातुः शीतलायाः विशेष-पूजार्चना श्रद्धा-भक्ति-भावेन सम्पन्ना। अस्मिन् अवसरे मन्दिरे भक्तानां विशालः जनसमूहः समागतः तथा समग्रे परिसरे भक्तिमयं वातावरणम् आसीत्।

पूजार्चनायाः पूर्वं दुर्गायाः शीतला-स्वरूपस्य भव्यः श्रृङ्गारः कृतः। मातरं रक्त-पाटल-जम्बीर-मालाभिः अलङ्कृत्य, रक्त-प्रावारेण तथा रक्त-सुवर्ण-वस्त्रैः सज्जिता। देवी स्वर्ण-रजत-आभरणैः अलङ्कृता दिव्यस्वरूपेण सज्जिता, यस्य दर्शनार्थं श्रद्धालवः समागताः आसन्।

भक्तैः मातरं सीताफलम्, कदलीफलम् तथा बर्फी-नामकं नैवेद्यं समर्पितम्। प्रातःकाले मन्दिर-कपाट-उद्घाटनात् पूर्वमेव दर्शनार्थिनां दीर्घाः पङ्क्तयः निर्मिताः आसन्। श्रद्धालवः हस्तेषु नारिकेलं, प्रावारं प्रसादं च गृहीत्वा मातुः दर्शन-पूजनार्थं समागताः तथा परिवारस्य सुख-समृद्धेः कामनां कृतवन्तः।

मन्दिरस्य महन्तः विवेकानन्द-पण्डा उक्तवान् यत् उदया-तिथेः अनुसारं सप्तमी-तिथौ माता कालरात्रेः पूजायाः विशेषं महत्त्वम् अस्ति। अस्मिन् दिने विधि-विधानपूर्वकं पूजां कृत्वा जीवने सुखं शान्तिः समृद्धिश्च वर्धते। तेन श्रद्धालुभ्यः नवरात्रस्य धार्मिक-महत्त्वस्य विषये विस्तरेण सूचना प्रदत्ता।

समग्रे मन्दिर-परिसरे भजन-कीर्तन-घण्टा-ध्वनिभिः जयघोषैश्च वातावरणं निनादितम्। श्रद्धालूनाम् आस्था-उत्साहौ च वातावरणं पूर्णतया भक्तिमयं कृतवन्तौ। प्रशासनस्य पक्षतः अपि सम्मर्द-नियन्त्रणार्थं श्रद्धालूनां सौविध्यर्थं च आवश्यक-व्यवस्थाः सुनिश्चिताः आसन्।

हिन्दुस्थान समाचार / अंशु गुप्ता