गुवाहाटीनगरम्, २४ मार्चमासः (हि.स.)। असमस्य मुख्यमन्त्री डॉ.हिमन्त-बिस्व-सरमा आसन्न-विधानसभा-निर्वाचने भारतीय-जनता-पक्ष-नेतृत्वयुक्त-गठबन्धनस्य ऐतिहासिक-विजयस्य विश्वासं व्यक्तवान्।

राज्य-भाजपा-कार्यालये गत-रात्रौ दल-कार्यकर्तृन् सम्बोधयन् मुख्यमन्त्री उक्तवान् यत् जनतया अभूतपूर्वम् आशीर्वादः समर्थनं च प्रदत्तम्, यत् अस्मिन् वारे निर्वाचने निर्णायक-ऐतिहासिक-विजये परिणतः भविष्यति। तेन उक्तं यत् एतत् जनसमर्थनं शासनस्य नीतिषु नेतृत्वे च जनानां प्रगाढं विश्वासं दर्शयति।

मुख्यमन्त्री एतदपि अवदत् यत् निरन्तर-वृष्टेः अपि जनाः दलस्य यात्राभ्यः कार्यक्रमेभ्यश्च न निवृत्ताः, यत् तेषां प्रतिबद्धतां उत्साहं च दर्शयति। तेन एतत् राज्यव्यापिनः वर्धमान-जनसमर्थनस्य स्पष्टं संकेतं इति निर्दिष्टम्।

विकास-प्रगत्यौ प्रति प्रतिबद्धतां पुनरुक्त्वा मुख्यमन्त्री उक्तवान् यत् भाजपा जनतायाः अस्य विश्वासस्य प्रत्युपकारं शीघ्र-विकास-कार्यैः करिष्यति। अस्मिन् अवसरे सः राज्य-भाजपा-मुख्यालये निर्वाचन-सज्जा-रणनीति-विषये आयोजितायां महत्त्वपूर्ण-सभायाम् अपि सहभागितां कृतवान्।

हिन्दुस्थान समाचार / अंशु गुप्ता