भोपालनगरम्, २४ मार्चमासः (हि.स.)। मध्यप्रदेशे प्रारम्भिक-शिक्षायाः नूतनं परिचयं दातुं ऐतिहासिकः प्रयत्नः क्रियते। प्रदेशस्य सर्वेषु आङ्गनवाडी-केन्द्रेषु अद्य मङ्गलवासरे बालानां ‘विद्यारम्भ-समारोहः’ आयोज्यते।

जनसम्पर्क-अधिकारिणी बिन्दु-सुनीलः इत्यनया प्रदत्त-सूचनायाम् उक्तं यत् राज्ये प्रथमवारं आङ्गनवाडी-केन्द्रेषु शालापूर्व-शिक्षां प्राप्नुवन्तः पञ्च-षट्-वर्ष-आयुवर्गीयाः बालकाः “विद्यारम्भ-प्रमाण-पत्रम्” प्राप्य औपचारिक-विद्यालय-शिक्षायाः दिशि प्रेरिताः भविष्यन्ति।

तया उक्तं यत् अस्य बाल-चौपाल-अवसरे प्रदेशस्य सर्वेषु आङ्गनवाडी-केन्द्रेषु एकस्मिन् एव समये समारोहपूर्वकं प्रमाण-पत्र-वितरणं क्रियते, येन शालापूर्व-शिक्षायाः सामाजिक-संस्थागत-मान्यता लभ्यते। अस्य प्रयत्नस्य राज्यस्तरीय-प्रदर्शनार्थं भोपाल-नगरे विशेषः ‘ग्रेजुएशन-सेरेमनी’ कार्यक्रमः आयोज्यते। महिला-बाल-विकास-मन्त्री निर्मला भूरिया बालेभ्यः प्रमाण-पत्राणि वितर्य्य तेषां उज्ज्वल-शैक्षणिक-भविष्याय शुभाशंसाः दास्यति। अयं कार्यक्रमः भोपाल-जनपदस्य बाणगंगा-परियोजनायाः अन्तर्गतं आङ्गनवाडी-केन्द्र-संख्या १०६१ तथा ८५९ मध्ये आयोज्यते, यत्र ३५ बालकेभ्यः विद्यारम्भ-प्रमाण-पत्राणि प्रदास्यन्ते।

जनसम्पर्क-अधिकारिण्याः अनुसारं एषः प्रयत्नः केन्द्रीय-महिला-बाल-विकास-मन्त्रालयस्य निर्देशानुसारं क्रियते। अस्यान्तर्गतं आङ्गनवाडी-केन्द्रेषु पंजीकृतानां ५-६ वर्ष-आयुवर्गीयानां बालानां विद्यारम्भ-प्रमाण-पत्र-प्रदानेन तेषां शैक्षणिक-जीवनस्य औपचारिक-आरम्भः मान्यतां प्राप्स्यति। अस्य कार्यक्रमस्य उद्देश्यं बालानाम् अनौपचारिक-शिक्षातः औपचारिक-विद्यालय-प्रणाल्यां सुगम-संक्रमणं सुनिश्चितं कर्तुं, परिवारं समुदायं च शालापूर्व-शिक्षाः प्रति जागरूकं कर्तुं तथा आङ्गनवाडी-केन्द्राणि प्रारम्भिक-शिक्षायाः सशक्त-केन्द्ररूपेण स्थापयितुं च अस्ति।

कार्यक्रमस्य आयोजने प्रारम्भिक-शिक्षा-क्षेत्रे कार्यरतायाः ‘रॉकेट लर्निंग’ संस्थायाः अपि सहयोगः प्राप्यते। संस्थया सह केन्द्र-राज्य-स्तरयोः कृत-सन्ध्यनुसारं अधुना मध्यप्रदेशस्य ३९ जनपदेषु गुणवत्तापूर्ण-शालापूर्व-शिक्षायाः सुदृढीकरणार्थं विविधाः गतिविधयः संचाल्यन्ते।

विद्यारम्भ-प्रमाण-पत्र-प्रयत्नेन न केवलं बालानां शैक्षणिक-यात्रायाः निरन्तरता सुनिश्चिता भविष्यति, अपि तु समुदायस्य आङ्गनवाडी-केन्द्राणि प्रति विश्वासः सहभागिता च वर्धिष्यते। अनेन बालानां विद्यालयेन सह सम्बन्धः दृढः भविष्यति तथा भविष्ये ड्रॉप-आउट-दर-न्यूनतायाम् अपि सहायता भविष्यति।

हिन्दुस्थान समाचार / अंशु गुप्ता