Enter your Email Address to subscribe to our newsletters
सुपौलनगरम्, २४ मार्चमासः (हि.स.)। विश्व-यक्ष्मा-दिवसस्य उपलक्ष्ये मङ्गलवासरे सुपौलनगरे सर्वसाधारणान् यक्ष्मारोगविषयिणीं जागरूकतां प्रति प्रेरयितुम् भव्य-जागरूकता-संचलनम् आयोजितम्। एतत् सञ्चलनं जनपद-संचारी-रोग-पदाधिकारी-कार्यालयस्य, सदर-रोगालय-सुपौलस्य च तत्वावधाने आयोजितम्।
संचलनं सुपौल-सिविल-शल्यचिकित्सकः, जनपद-संचारी-रोग-पदाधिकारी, जनपद-कार्यक्रम-प्रबंधकः, जनपद-स्वास्थ्य-समितिः सुपौलनगरम् इत्येतेषां संयुक्तरूपेण हरीत-ध्वज-प्रदर्शनं कृत्वा प्रेषितवन्तः। सञ्चलनं सदर-रोगालयात् आरभ्य नगरस्य विभिन्नमार्गाणां भ्रमणं कृत्वा पुनः सदर-रोगालय-परिसरे समाप्तम्।
अस्मिन् अवसरे अधिकारीभिः उक्तम् यत् कार्यक्रमस्य मुख्य-लक्ष्यं जनान् यक्ष्मा-रोगस्य विषये जागरूककरणम्, तस्य उपचारं च सर्वकारी-सौविध्यानां सूचनां दातुं अस्ति। ते अवदन् यत् यक्ष्मारोगः गंभीरः अपि पूर्णतः उपचार-योग्यः अस्ति, समये चिन्हनं कृत्वा चिकित्सा कारणीया स्यात्। सर्वकारः प्रायः यक्ष्मा-रोगिभ्यः निःशुल्क-औषधम्, निःशुल्क-परीक्षणं च उपलब्धं करोतिः। तथैव, “निक्षय-पोषण-योजना”-अन्तर्गतं रोगिभ्यः उपचार-कालक्रमे प्रति-मासं ₹१००० आर्थिक-सहाय्यं प्रदीयते। अपरं च, वैयक्तिक-चिकित्सकैः यक्ष्मा-रोगिभ्यः सूचना क्रियते चेत् प्रति-रोगिणं ₹५०० प्रोत्साहन-राशिः सर्वकारपक्षतः प्रदीयते।
कार्यक्रमे जनपद-यक्ष्मा-कार्यालयस्य सुधांशु-शेखर-रौशनः, मोहम्मद-रेहान-आलमः, शम्भू-कुमार-चौधरी, सुमन-कुमारी, आराधना-कुमारी, दाय-रानी, अनिल-कुमारः इत्येतैः सह पैरामेडिकल-स्टाफः, एएनएम-जीएनएम-विद्यालयस्य छात्र-छात्राः च उपस्थिताः। सञ्चलन-माध्यमेन “टीबी हारेगा, देश जीतेगा” इति संदेशः प्रदत्तः।
हिन्दुस्थान समाचार / अंशु गुप्ता