Enter your Email Address to subscribe to our newsletters
देहरादूननगरम्, २४ मार्चमासः (हि.स.)। उत्तराखण्ड-सर्वकारस्य महिला-सशक्तिकरण-एवं बाल-विकास-मन्त्री रेखा आर्या मङ्गलवासरे मुख्यमंत्री-वात्सल्य-योजनायाः अन्तर्गतं लाभार्थिनां धनागारेषु ३ कोटि २ लक्ष-रूप्यकाधिकां धनराशिं डायरेक्ट-बेनिफिट-ट्रान्स्फर (डीबीटी) माध्यमेन प्रेषितवती।
मङ्गलवासरे शिविर-कार्यालये आयोजिते कार्यक्रमे मन्त्री आर्या उक्तवती यत् एषा धनराशिः द्विमासिक-सहायतारूपेण वितरिता अस्ति। योजनायाः अन्तर्गतं राज्य-सर्वकारः वर्ष २०२० तः कोविड्-१९ महामारी-समये स्वाभिभावकान् विहायितवन्तः बालकान् प्रति प्रतिमासं त्रिसहस्र-रूप्यकाणां आर्थिक-सहायतां ददाति। तया उक्तं यत् फरवरी २०२६ मासस्य कृते ५,०५७ लाभार्थिभ्यः आहत्य १ कोटि ५१ लक्षं ७१ सहस्र-रूप्यकाणि निर्गतानि, मार्च २०२६ मासस्य कृते च ५,०२५ लाभार्थिभ्यः १ कोटि ५० लक्षं ७५ सहस्र-रूप्यकाणां धनराशिः हस्तान्तरिता अस्ति।
मन्त्रिणा उक्तं यत् योजनायाः अन्तर्गतं लाभार्थी २१ वर्षाणि पूर्णीकृत्य, बालिका-लाभार्थिन्याः विवाहे, अथवा लाभार्थिनः सेवायोजना जाते सति, योजनातः बहिः कृतः भवति। अस्मिन् अवसरे सीपीओ अञ्जना गुप्ता तथा डिप्टी सीपीओ राजीवनयनः इत्येताभ्यां सह अन्ये अधिकारिणः उपस्थिताः आसन्।
हिन्दुस्थान समाचार / अंशु गुप्ता