Enter your Email Address to subscribe to our newsletters
उरई, 26 मार्चमासः (हि.स.)।
चैत्र-नवरात्रस्य दुर्गाष्टमी-अवसरे प्रदेशे महिलानां बालिकानां च सुरक्षा, सम्मान तथा स्वावलम्बनस्य सुदृढीकरणाय ‘मिशन-शक्ति-फेज् ०५’ अन्तर्गतं गुरुवासरे पुलिस-लाइन उरईतः टाउन-हॉल-पर्यन्तं ‘रन् फॉर् एम्पावरमेंट्’ इति धावन-कार्यक्रमः आयोजितः।
कार्यक्रमस्य शुभारम्भः सदर-विधायकः गौरीशंकर-वर्मा, माधौगढ़-विधायकः मूलचन्द-निरंजनः, कालपी-विधायकः विनोद-चतुर्वेदी, जिलाधिकारी राजेश-कुमार-पाण्डेय, पुलिस-अधीक्षकः डॉ. दुर्गेश-कुमारः, जल-शक्ति-मन्त्रिणः प्रतिनिधिः अरविन्द-चौहानः, एमएलसी-प्रतिनिधिः मयंक-त्रिपाठी, अपर-पुलिस-अधीक्षकः प्रदीप-कुमार-वर्मा इत्यादिभिः जनप्रतिनिधिभिः प्रशासनिक-अधिकारिभिः च हरित-ध्वज-प्रदर्शनपूर्वकं कृतः। सर्वे अपि स्वयम् सहभागित्वेन महिला-सशक्तिकरणस्य सशक्तं सन्देशं प्रदत्तवन्तः।
सदर-विधायकः गौरीशंकर-वर्मा उक्तवान् यत् ‘मिशन-शक्ति’ अभियानं महिलानां आत्मनिर्भरत्वस्य दिशि महत्त्वपूर्णा पहलः अस्ति। माधौगढ़-विधायकः मूलचन्द-निरंजनः अवदत् यत् महिलानां सशक्तिकरणं विना समाजस्य समग्र-विकासः सम्भवः नास्ति। सः युवान् प्रति आह्वानं कृतवान् यत् ते महिलानां सम्मान-सुरक्षा-विषये जागरूकता-विस्तारे भागं गृह्णन्तु। कालपी-विधायकः विनोद-चतुर्वेदी उक्तवान् यत् एतादृशैः आयोजनेभ्यः समाजे सकारात्मक-ऊर्जायाः संचारः भवति।
कार्यक्रमे बहुसंख्यकाः छात्राः छात्र्यः, युवानः नागरिकाः च उत्साहपूर्वकं सहभागी अभवन्। ‘रन् फॉर् एम्पावरमेंट्’ इत्यस्य माध्यमेन जनपदे महिला-सशक्तिकरणस्य सुरक्षा-सममानयोः च सन्देशः व्यापक-स्तरे प्रसारितः तथा समाजं सकारात्मक-दिशायां नेतुं प्रभावी प्रयासः कृतः।
---------------
हिन्दुस्थान समाचार