“रामायण” इति चलचित्रं वर्ष २०२६ इत्यस्य अत्यन्त-अपेक्षित-चलचित्रेषु गण्यमानम् अस्ति, यत् भव्यं वैश्विक-चित्रपट-प्रदर्शनरूपेण निर्मीयते। नितेश-तिवारी-निर्देशनस्य तथा नमित-मल्होत्रा-निर्माणस्य अधीनम् एतत् महाकाव्यात्मकं चलचित्रं द्वयोः भागयोः प्रदर्शितं भविष्यति। चलचित्रं अन्ताराष्ट्रिय-स्तरस्य सृजनात्मक-प्रतिभाभिः सह निर्मीयते, येन तत् ऐतिहासिकं चित्रपट-घटनारूपेण मन्यते।

राम-नवमी-शुभ-अवसरे नमित-मल्होत्रा सामाजिक-माध्यमेषु भावपूर्णं सन्देशं प्रकाशितवान्, यत्र चलचित्रस्य विषये महत्त्वपूर्णं अद्यतनं दत्तम्। तेन उक्तं यत् “रामायण” केवलं कथा नास्ति, किन्तु कोटिशः जनानां श्रद्धया सम्बद्धा धरोहरः अस्ति, या पूर्ण-उत्तरदायित्वेन श्रद्धया च सजीविता क्रियते। सः एतदपि उद्घोषितवान् यत् २ अप्रैल-दिने, हनुमान-जयंती-अवसरे, चलचित्रात् “राम” इत्यस्य अग्रीम-दृश्यस्य भव्यं विश्व-प्रदर्शनं भविष्यति।

प्रायः ५०००-वर्ष-प्राचीन-पौराणिक-पृष्ठभूमौ आधारितं “रामायण” आधुनिक-प्रौद्योगिक्या तथा सजीव-अनुभवयुक्त-कथन-शैलया सह प्रस्तुतं क्रियते। चलचित्रस्य प्रथम-दर्शनं पूर्वमेव विश्वे चर्चां प्राप्तवान्, यत्र भारतस्य अनेक-नगराणां सह न्यूयॉर्क-टाइम्स-स्क्वायर-स्थले अपि तस्य झलक् प्रदर्शिता आसीत्। निर्मातारः एतत् केवलं चलचित्रं न, अपि तु वैश्विक-सांस्कृतिक-उत्सवरूपेण प्रस्तुतुं योजनां कुर्वन्ति।

चलचित्रस्य कलाकार-संघटनम् अपि तस्य विशेषतां वर्धयति। रणबीर-कपूरः भगवान् रामस्य, साई-पल्लवी सीतायाः, यश रावणस्य, सनी-देओलः हनुमतः, रवि-दुबे लक्ष्मणस्य च भूमिकासु दृश्यन्ते। यशस्य “मॉन्स्टर-माइंड-क्रिएशन्स” इत्यस्य सहयोगेन निर्मीयमानम् एतत् चलचित्रं आईमैक्स-माध्यमे प्रदर्शितं भविष्यति। अस्य प्रथमः भागः दीपावली २०२६ तथा द्वितीयः भागः दीपावली २०२७ इत्यस्मिन् काले चित्रगृहेषु आगमिष्यति।

हिन्दुस्थान समाचार