Enter your Email Address to subscribe to our newsletters
नवदिल्ली, 27 मार्चमासः (हि.स)।
केन्द्रीयसर्वकारेण पश्चिमएशियासंकटस्य मध्ये जनसामान्याय शिथिलतां दत्त्वा पेट्रोल-डीजल इत्येतयोः विशेष-अतिरिक्त-उत्पादशुल्के प्रति लीटर १० रूप्यकाणि न्यूनानि कृतानि। सर्वकारेण पेट्रोलस्य शुल्कं पूर्वं १३ रूप्यकाणि प्रति लीटरमितम् आसीत्, तत् अधुना ३ रूप्यकाणि प्रति लीटर कृतम्। डीजलस्य तु एतत् शुल्कं पूर्वं १० रूप्यकाणि आसीत्, अधुना शून्यं कृतम्। एताः नवीनाः दराः शुक्रवासरात् प्रवृत्ताः अभवन्।
वित्तमन्त्रालयस्य अद्य निर्गतायाः अधिसूचनायाः अनुसारं पेट्रोलस्य उत्पादशुल्कं १३ रूप्यकाणि प्रति लीटरात् घटयित्वा ३ रूप्यकाणि कृतम्, डीजलस्य तु पूर्वं १० रूप्यकाणि आसीत्, अधुना शून्यं कृतम्। अधिसूचनायाः अनुसारं, एतेन पादेन पेट्रोल-डीजलयोः मूल्यानि न्यूनानि भविष्यन्ति इति अपेक्षा अस्ति।
अतिरिक्ततया सर्वकारेण विमानन-टरबाइन-ईंधनस्य कृते नूतनं लेवी-संरचनं प्रस्तुतम्। अस्य परिवर्तनस्य अन्तर्गतं एटीएफ इत्यस्य उपरि अधुना ५० रूप्यकाणि प्रति लीटर विशेष-अतिरिक्त-उत्पादशुल्कं आरोपितम्। तस्य आंशिक-छूट्या पूर्तिः क्रियते, येन विशिष्ट-प्रावधानस्य अन्तर्गतं प्रभावी शुल्कं प्रायः २९.५ रूप्यकाणि प्रति लीटर भवति।
---------------
हिन्दुस्थान समाचार