-3 तः 5 अप्रैल यावत् भविष्यति “महानाट्यस्य” भव्यं मंचनम्भोपालम्, 27 मार्चमासः (हि.स.)। मध्य-प्रदेश-सर्वकारः भारतीय-ज्ञानं परम्परां च गौरवशालिनीं सांस्कृतिकनिक्षेपं वैश्विक-पटल उपरि स्थापयितुं निरन्तरं कार्यं करोति। अस्य गौरवमय-अभियानस्य “विक्रमोत्सव-2026” अन्तर्गतं वाराणसी-नगरे आगामी ३–५ अप्रैल २०२६ पर्यन्तं भव्यं “महानाट्यं सम्राट् विक्रमादित्यः” इति मंचनं भविष्यति।

जनसम्पर्क-अधिकारी अनुराग-उइके उक्तवान् यत् वाराणस्यां आयोजितस्य त्रिदिवसीय-विक्रमादित्य-महानाट्यस्य माध्यमेन सम्राजः विक्रमादित्यस्य “शकारि” तथा “साहसाङ्क” इति रूपयोः कथा सजीवता सह प्रदर्शिता भविष्यति। नाटके दर्श्यते यत् कथं एकः लोककल्याणकारी राजा स्व-राजकोषात् धनं दत्त्वा प्रजाः ऋणमुक्ताः कृतवान् तथा तादृशं साम्राज्यं स्थापितवान् यत्र न कोऽपि दरिद्रः आसीत् न च कश्चन दुःखी।

सम्राटः “नवरत्न”-परम्परा, यस्याम् कालिदास, वराहमिहिर, धन्वंतरि इत्यादयः महान्तो विद्वांसः आसन्, तेषां माध्यमेन “श्रेष्ठ-भारत” निर्माणस्य संकल्पः अपि प्रमुखतया प्रदर्श्यते। लाल किला-स्थले सफल-मंचनस्य तथा नरेन्द्र मोदिना कृतायाः प्रशंसायाः अनन्तरं वाराणस्याः एतत् मंचनं नूतनं मील-चिह्नं भविष्यति।

मुख्यमन्त्री डॉ. यादव उक्तवान् यत् सम्राट् विक्रमादित्यः केवलं शासकः नासीत्, अपितु भारतीय-न्यायप्रियता-वीरता-सुशासनस्य जीवित-प्रतीकः आसीत्। वाराणस्यां एतत् महानाट्यं जनान् तस्मिन् वैभवशालिनि कालखण्डे परिचययिष्यति, यदा सम्राट् विक्रमादित्यः प्रायः २१०० वर्षपूर्वं शकारिणः (शक-आक्रान्तारः) समूलं विनाश्य “विक्रम-सम्वत्” प्रवर्तितवान्। अयं संवत् विश्वस्य प्राचीनतमेषु कालगणनासु एकः अस्ति, यः भारतीय-विज्ञानस्य तथा खगोल-शास्त्रस्य उत्कृष्टतां दर्शयति।

उल्लेखनीयम् अस्ति यत् उज्जैन-नगरे आयोजितः “विक्रमोत्सव-2026” डिजिटल-प्रसारणे (आउटरीच) नूतन-कीर्तिमानानि स्थापितवान्। महाराज-विक्रमादित्य-शोध-पीठस्य प्रतिवेदनानुसारं ७ फरवरीतः २४ मार्च २०२६ पर्यन्तं अस्य आयोजनस्य डिजिटल-रीच १७.७२ कोटिभ्यः अधिका आसीत्। सामाजिक-माध्यमेषु #vikramutsav2026 इत्यादयः हैशटैगाः वैश्विक-स्तरे प्रवृत्ताः, येन सिद्धं भवति यत् युवा-पीढी स्व-मूलान् प्रति पुनरागन्तुं उत्सुका अस्ति।

महाराज-विक्रमादित्य-शोध-पीठेन तथा मध्य-प्रदेश-संस्कृति-विभागेन आयोजितं एतत् महानाट्यं वाराणस्यां न केवलं सांस्कृतिक-आदान-प्रदानं सुदृढं करिष्यति, अपितु राष्ट्रीय-एकतायाः सूत्रं अपि अधिकं दृढं करिष्यति। मुख्यमन्त्रिणः डॉ. यादवस्य संकल्पानुसारं एषः कार्यक्रमः “विकसित-भारत” मार्गे “सांस्कृतिक-पुनर्जागरणस्य” एको महत्वपूर्णोऽध्यायो भविष्यति।

-----------------

हिन्दुस्थान समाचार