गोरखपुरम्, ०३ मार्चमासः (हि.स.)।गोरखनाथ–मन्दिर–प्रवासकाले मङ्गलवासरे प्रातः मुख्यमन्त्री योगी आदित्यनाथः जनतादर्शनं विधाय जनसेवां कृतवान्; तदनन्तरं मन्दिरस्य गोशालां गत्वा गोसेवायामपि रतः अभवत्। सः नामभिः आह्वयन्, स्नेहिलया हस्तताडनया च गाः गोवंशं च सुसंवर्ध्य प्रेम-प्रदर्शितवान्; गुड–रोटिकां च हस्ततः भोजितवान्, तथा गोशालाकर्मचारिभ्यः गोवंशस्य सम्यग् परिचर्यायै निर्देशान् प्रयच्छत्।

गोरखनाथ–मन्दिर–प्रवासे मङ्गलवासरे प्रातः मुख्यमन्त्रिणः योगिनः दिनचर्या परम्परागतैव आसीत्। सः गोरखनाथ–मन्दिरे शिवावतारस्य महायोगिनः गुरु–गोरखनाथस्य दर्शन–पूजनं कृतवान्, स्वगुरोः ब्रह्मलीनस्य महन्तस्य अवेद्यनाथस्य समाधि–स्थले शीर्षं नतं कृत्वा आशीर्वादं च गृहीतवान्। यदा यदा मुख्यमन्त्री योगी आदित्यनाथः गोरखनाथ–मन्दिरे तिष्ठति, तदा तदा गोसेवा तस्य दिनचर्यायाः अभिन्नं अङ्गं भवति। मङ्गलवासरेऽपि सः मन्दिर–परिसरं भ्रमन् गोशालां प्राप्य तत्र किञ्चित्कालं व्यतीतवान्।

गोशालायां योगी चतुर्दिक् भ्रमन् श्यामा, गौरी, गङ्गा, भोला इत्यादि नामभिः गोवंशं आह्वयामास। तस्य स्वरः एतेषां गोवंशानां सुप्रसिद्धः अस्ति। स्नेहपूर्णां पुकारं श्रुत्वा अनेके गोवंशाः धावन्त्य: कूर्दन्त्यश्च तस्य समीपम् आगताः। मुख्यमन्त्री योगी आदित्यनाथः सर्वेषां ललाटेषु हस्तं न्यस्य ता: बहु प्रेम कृतवान्, स्वहस्तैः गुड–रोटिकां च भोजितवान्। एवमेव सः ‘भोला’ नामकं विशालं नन्दिनं स्नेहेन गुड–रोटिकां भोजितवान्। तस्य शरीरे स्थितां धूलि–मृत्तिकां प्रथमं स्वहस्तैः अपमार्ज्य, पश्चात् गोशालाकर्मचारिणं निर्दिश्य शुष्कवस्त्रेण तस्य शरीरं स्वच्छीकर्तुं आज्ञां दत्तवान्। मन्दिरस्य गोशालायां योगी मयूरमपि स्नेहेन अनुगृह्य, तस्मै स्वहस्तेन रोटिकां भोजितवान्।

हिन्दुस्थान समाचार / अंशु गुप्ता