Enter your Email Address to subscribe to our newsletters
कोकराझारः (असमः), 04 मार्चमासः (हि.स.)। कोकराझार जनपदस्य चौतारा काचुकाटा इति स्थाने गतसन्ध्यायां होल्युत्सवस्य उपलक्ष्ये आयोजितस्य सांस्कृतिककार्यक्रमस्य कृते निर्मितस्य भव्यस्य होलीमञ्चस्य विधिवत् उद्घाटनं कृतम्। कार्यक्रमस्य उद्घाटनं बोडोलैंड पीपुल्स फ्रंट (बीपीएफ) दलस्य पीएनबी बॉडी सदस्यः तथा भावखुंगुरी विधानसभाक्षेत्रात् सम्भावितः प्रत्याशी सुभाष अधिकारी इत्यनेन फीता छित्त्वा दीपं प्रज्वाल्य च कृतम्।
उद्घाटनसमये सुभाष अधिकारी उपस्थितं जनसमूहं होलीपर्वणः शुभाशंसाः दत्त्वा अवदत् यत् होली प्रेम्णः, भ्रातृत्वस्य तथा सामाजिकैक्यस्य उत्सवः अस्ति, यः समाजं परस्पर-सौहार्दस्य सूत्रेण संयोजयति। तेन क्षेत्रस्य युवानां तथा आयोजनसमित्याः प्रशंसा कृता तथा उक्तं यत् एतादृशाः सांस्कृतिककार्यक्रमाः समाजे समरसतां सौहार्दं च सुदृढीकुर्वन्ति।
अस्मिन् कार्यक्रमे बहुसंख्यकाः स्थानीयजनाः, युवानः तथा महिलाः उपस्थिताः आसन्। रङ्गारङ्गाः सांस्कृतिकप्रस्तुतयः, पारम्परिकाः होलीगीताः तथा नृत्यकार्यक्रमाः रात्रेः पर्यन्तं दर्शकान् मन्त्र मुग्धान् अकरोत्। सम्पूर्णे क्षेत्रे उत्सवसम्बन्धेन विशेषः उत्साहः उल्लासश्च दृष्टः।
आयोजनसमित्या सूचितं यत् आगामिषु दिवसेषु अपि विभिन्नाः सांस्कृतिककार्यक्रमाः आयोजिताः भविष्यन्ति, येन होलीपर्व शान्तिपूर्णेन आनन्दमयेन च वातावरणेन आचरितुं शक्यते।
अस्मिन् अवसरे केचन स्थानीयकार्यकर्तारः बीपीएफ नेतृत्वं प्रति निवेदनं कृतवन्तः यत् आगामिनि विधानसभानिर्वाचने भावखुंगुरी विधानसभाक्षेत्रात् सुभाष अधिकारी इत्यं दलस्य प्रत्याशीकरणं क्रियताम्। तेषां मतम् आसीत् यत् यदि दलं तम् प्रत्याशित्वेन नामनिर्देशं करिष्यति तर्हि क्षेत्रे बीपीएफ दलस्य विजयः सुनिश्चितः भविष्यति।
हिन्दुस्थान समाचार