कोलकाता, 04 मार्चमासः (हि. स.)। पश्चिमबङ्गालराज्यस्य मुख्यमन्त्री ममता बनर्जी होलीपर्वणः अवसरे जनान् प्रति हिन्दी तथा आङ्ग्लभाषयोः शुभाशंसाः प्रेषितवती। स्वसन्देशे सा अवदत् यत् रङ्गाणां एषः पावनः उत्सवः प्रत्येकं गृहम् आनन्देन उल्लासेन च पूरयतु तथा समाजे प्रेम्णः सौहार्दस्य च दृढीकरणं करोतु।

मुख्यमन्त्री स्वसन्देशे समाजस्य सर्वेषां वर्गाणां जनान् परस्परभ्रातृत्वस्य पालनाय आह्वानं कृतवती। सा अवदत् यत् होली केवलं रङ्गाणां उत्सवः न, अपितु एकतायाः सद्भावस्य च प्रतीकः अस्ति, यः समाजं संयोजयति।

ममता बनर्जी कामनाम् अकरोत् यत् एतत् पर्व सर्वेषां जीवने सुखं शान्तिं समृद्धिं च आनयतु तथा राज्ये परस्परसौहार्दस्य भ्रातृत्वस्य च वातावरणं अधिकं सुदृढं भवतु।

हिन्दुस्थान समाचार