Enter your Email Address to subscribe to our newsletters
भागलपुरम् , 05 मार्चमासः (हि.स.)।
रेलवे संस्थायाः राइट्स-दलम् डीआरएम सह गुरुवासरे भागलपुर रेलस्थानकस्य निरीक्षणम् अकरोत्। अस्मिन् अवसरे अधिकारिणः रेलस्थानकस्य विकासकार्याणां स्थितेः अवलोकनं कृतवन्तः।
स्थानकपरिसरे प्रस्तावितस्य होल्डिङ्ग-क्षेत्रस्य, यात्रिकाणां सुविधानां तथा आवागमनव्यवस्थायाः अपि परीक्षणं कृतम्। अस्मिन् समय अधिकारिणः स्थानकपरिसरस्य विभिन्नभागान् निरीक्ष्य विकासकार्याणां सम्भावनासु चर्चा कृतवन्तः। रेलअधिकारिणः अवदन् यत् स्थानकस्य बहिः यात्रिकाणां सुविधार्थं सुव्यवस्थितं होल्डिङ्ग-क्षेत्रं निर्मास्यते।
एतेन यात्रिकाणां संमर्दस्य नियन्त्रणं कर्तुं तथा आवागमनव्यवस्थां सुचारुं कर्तुं साहाय्यं भविष्यति। निरीक्षणस्य समये राइट्स-दलेन अपि कतिपयानि आवश्यकानि सुझावानि प्रदत्तानि। रेलअधिकारिणः अवदन् यत् स्थानकस्य बहिः निर्मीयमानं होल्डिङ्ग-क्षेत्रं जीआरपी-थानस्य पुरतः स्थितेन फूट्-ओवर-ब्रिजस्य रैम्पेन सह संयोजितं भविष्यति। एतेन यात्रिकेभ्यः प्रत्यक्षरूपेण प्लेटफार्मपर्यन्तं आगमनगमनं सुकरं भविष्यति।
उल्लेखनीयम् यत् अस्य व्यवस्थायाः कारणेन स्थानकपरिसरे समर्दो न्यूनः भविष्यति तथा यात्रिकेभ्यः प्लेटफार्मपर्यन्तं गन्तुं अधिका सुविधा प्राप्ता भविष्यति। तेन सह स्थानकपरिसरे यातायातव्यवस्था अपि उत्तमा भविष्यति।
अस्मिन् अवसरे एतदपि सूचितं यत् भागलपुरात् बांका तथा हंसडीहा इत्येतयोः स्थलेषु गमनार्थं विक्रमशिला एक्सप्रेस इत्यस्य सह संयोजिता स्थानीयरेलयानसेवा आरभ्यताम् इति योजनायाः विषये कार्यं क्रियमाणम् अस्ति। यदि एषा योजना कार्यान्विता भवति तर्हि एतेषां क्षेत्राणां यात्रिकेभ्यः दीर्घदूरीयानसेवाभिः सह उत्तमा संयोजकता प्राप्ता भविष्यति।
राइट्स-दलस्य तथा रेलअधिकारिणां सदस्याः स्थानकपरिसरस्य विभिन्नस्थानानि निरीक्ष्य विकासकार्याणां विषये सुझावान् अपि दत्तवन्तः। अधिकारिणः अवदन् यत् यात्रिकाणां सुविधां मनसि कृत्वा स्थानकस्य विकासकार्याणि चरणबद्धरीत्या अग्रे नीयन्ते।
---------------
हिन्दुस्थान समाचार