Enter your Email Address to subscribe to our newsletters
शिमला, 06 मार्चमासः (हि.स.)।
प्रदेशाय नूतनः राज्यपालः नियुक्तः अस्ति। राष्ट्रपतिभवनात् गुरुवासरस्य रात्रौ विलम्बेन आदेशः निर्गतः, यस्यानुसारं लद्दाखस्य उपराज्यपालः आसीत् कविन्द्रगुप्तः हिमाचलप्रदेशस्य नूतनः राज्यपालः नियुक्तः। अपरतः हिमाचलप्रदेशस्य वर्तमानः राज्यपालः शिवप्रतापशुक्लः अधुना तेलङ्गानाराज्यस्य राज्यपालत्वेन नियुक्तः। अस्मिन् परिवर्तनक्रमे हिमाचलप्रदेशं लद्दाखं च सहित्य देशस्य नवसु राज्येषु राज्यपालपदेषु परिवर्तनं कृतम्।
हिमाचलप्रदेशस्य नूतनः राज्यपालः कृतः षट्षष्टिवर्षीयः कविन्द्रगुप्तः जम्मूकश्मीरराज्यस्य राजनीतिक्षेत्रे दीर्घकालात् सक्रियः अस्ति, तस्य सार्वजनिकजीवनम् अपि अनेकदशकपर्यन्तं विस्तृतम् अस्ति। जम्मूनगरस्य जानीपुरप्रदेशस्य निवासी कविन्द्रगुप्तः केवलं त्रयोदशवर्षीयवयसा एव राष्ट्रीयस्वयंसेवकसंघेन सह सम्बद्धः सन् सामाजिकराजनीतिककार्येषु भागं ग्रहीतुं प्रारब्धवान्। आपत्कालस्य समये सः प्रायः त्रयोदशमासपर्यन्तं कारागारे अपि स्थितवान्।
स्वस्य राजनैतिकजीवने सः अनेकाः महत्वपूर्णाः दायित्वानि वहितवान् तथा जम्मूनगरस्य त्रिवारं महापौरत्वेन अपि निर्वाचितः। वर्षद्वयसहस्रपञ्चात् द्वयसहस्रदशपर्यन्तं सः निरन्तरं त्रिवारं जम्मूनगरस्य महापौरः आसीत्। एतदतिरिक्तं सः भारतीयजनतापक्षस्य जम्मूकश्मीरएककस्य महासचिवः अपि आसीत् तथा उन्नवत्युत्तरनवतितमवर्षेभ्यः अष्टनवतितमवर्षपर्यन्तं द्विवारं भारतीयजनतायुवामोर्चायाः जम्मूकश्मीरएककस्य अध्यक्षः अपि आसीत्।
वर्षे द्वयसहस्रचतुर्दशे विधानसभानिर्वाचने सः गान्धीनगरनाम्नि क्षेत्रे प्रथमवारं विधायकत्वेन विजयं प्राप्तवान्, अनन्तरं च सः जम्मूकश्मीरविधानसभायाः अध्यक्षत्वेन अपि निर्वाचितः। ततः परं तस्य राजनैतिकजीवने अन्यत् महत्वपूर्णं परिवर्तनम् अभवत् यदा अष्टादशजुलाई द्वयसहस्रपञ्चविंशतितमे वर्षे तम् केन्द्रशासितप्रदेशस्य लद्दाखस्य उपराज्यपालत्वेन नियुक्तं कृत्वा सः तस्मिन्नेव दिने तृतीयः उपराज्यपालः इति रूपेण शपथं स्वीकृतवान्। प्रायः नवमासपर्यन्तं अस्मिन् पदे कार्यं कृत्वा सः पञ्चममार्च द्वयसहस्रषड्विंशतितमे वर्षे उपराज्यपालपदात् त्यागपत्रं दत्तवान्, अधुना च सः हिमाचलप्रदेशस्य राज्यपालः नियुक्तः।
अन्यतः हिमाचलप्रदेशस्य वर्तमानः राज्यपालः शिवप्रतापशुक्लः अधुना तेलङ्गानाराज्यस्य राज्यपालत्वेन नियुक्तः। शिवप्रतापशुक्लः अष्टादशफेब्रुवरी द्वयसहस्रत्रयोविंशतितमे वर्षे हिमाचलप्रदेशस्य राज्यपालत्वेन शपथं स्वीकृतवान् आसीत् तथा प्रायः त्रिवर्षपर्यन्तम् अस्मिन् पदे स्वीयाः सेवाः अदात्। अधुना केन्द्रसरकारस्य अस्य नूतननिर्णयानन्तरं सः तेलङ्गानाराज्ये राज्यपालस्य दायित्वं वक्ष्यति।
---------------
हिन्दुस्थान समाचार