कोरबानगरम्, ०६ मार्चमासः (हि.स.)। पर्यावरण–संरक्षणस्य तथा लुप्यमानानां पक्षिणां संरक्षणस्य उद्देश्येन आवाज–फाउण्डेशन–कोरबा इत्यस्य संस्थाया: पक्षेण शुक्रवासरे प्रशंसनीय: प्रयत्न: कृत:। संस्थया कुसमुंडा–क्षेत्रस्य विकास–नगरस्थिते दुर्गा–पूजा–क्रीडाङ्गणे “घोंसला (एकं गृहम्)” इत्यस्य वितरण–कार्यक्रमः आयोजितः, यस्मिन् बहुसंख्यकेन स्थानीय–नागरिकैः सहभागितां कृत्वा अस्य प्रयत्नस्य स्वागतं कृतम्।

कार्यक्रमस्य मुख्योद्देश्यं शीघ्रं न्यूनीभवमानानां पक्षिणां संख्यां रक्षितुं तेषां सुरक्षित–निवासस्य व्यवस्थां च कर्तुं जनान् जागरूकान् कर्तुम् आसीत्। संस्थाया: सदस्याः अवदन् यत् पूर्वं कृषिक्षेत्रेषु बहवः पक्षिणः दृश्यन्ते स्म, ये कीट–पतङ्गान् हानिकारक–कीटांश्च भक्षयित्वा धान्य–सस्यानां संरक्षणे महत्त्वपूर्णां भूमिकां वहन्ति स्म। विशेषतः धान्य–सस्यस्य हानिं कुर्वतां कीटानां प्राकृतिक–नियन्त्रणं एते पक्षिणः कुर्वन्ति स्म।

परन्तु आधुनिक–कृषौ वर्धमानस्य रासायनिक–कीटनाशक–प्रयोगस्य, वृक्ष–छेदनस्य तथा नगरीकरणस्य कारणात् एतेषां पक्षिणां संख्यां निरन्तरं न्यूनीभवति। एतस्य चिन्तनस्य परिप्रेक्ष्ये आवाज–फाउण्डेशन–संस्थया “घोंसला (एकं गृहम्)” अभियानं प्रारब्धम्, यस्यान्तर्गतं जनानां मध्ये कृत्रिम–घोंसलानां वितरणं क्रियते तथा तानि स्वगृहेषु समीपस्थेषु वृक्षेषु च स्थापयितुं प्रेरणा दीयते, येन पक्षिणां सुरक्षित–आश्रयः उपलब्धः भवेत्।

कार्यक्रमस्य समये संस्थया उपस्थितेषु जनसमूहेषु घोंसला-इत्येतानि वितरितानि। उपस्थितैः अपि उक्तं यत् एतादृशाः प्रयासाः पर्यावरण–संरक्षणस्य सह जैव–विविधताया: संरक्षणे अपि महत्त्वपूर्णां भूमिकां निर्वहन्ति।

अस्मिन् अवसरे कुसमुंडा–विकास–नगरस्य पार्षदा गीता–गभेल, विश्व–हिन्दू–परिषदः जनपद–अध्यक्षः अमरजीत–सिंह, समाजसेवी विशाल–जैन इत्यादयः सहिताः क्षेत्रस्य अनेके गणमान्य–नागरिकाः पत्रकाराः च उपस्थिताः आसन्। सर्वे मिलित्वा अस्य अभियानस्य विस्तारं कर्तुं तथा अधिकाधिक–जनान् अस्मिन् संलग्नान् कर्तुं आह्वानम् अकुर्वन्।

कार्यक्रमस्य अन्ते आवाज–फाउण्डेशन–संस्थाया: सदस्याः अवदन् यत् अग्रिमकालेषु अपि पर्यावरण–संरक्षणाय पक्षि–संरक्षणाय च एतादृशाः जागरूकता–कार्यक्रमाः निरन्तरं आयोज्यन्ते, येन अग्रिमवंशस्य स्वच्छं संतुलितं च पर्यावरणं प्राप्नुयुः।

हिन्दुस्थानसमाचार:/ हरीश: तिवारी

हिन्दुस्थान समाचार / अंशु गुप्ता