Enter your Email Address to subscribe to our newsletters
रायपुरम् 07 मार्चमासः (हि.स.)।
अन्ताराष्ट्रियमहिलादिवसम् उपलक्ष्य पञ्चायत-ग्रामीणविकास-विभागस्य अन्तर्गतं छत्तीसगढ़-राज्य-ग्रामीण-आजीविका-मिशन ‘बिहान’ इत्यस्य द्वारा अद्य शनिवासरे रायपुर-नगरस्य इण्डोर-स्टेडियम् मध्ये ‘लखपति-दीदी-संवाद’ नाम कार्यक्रमस्य आयोजनं क्रियते। अस्मिन् कार्यक्रमे मुख्यमंत्री विष्णुदेवसाय मुख्य-अतिथि-रूपेण सहभागी भविष्यति।
अस्य कार्यक्रमस्य अध्यक्षता उपमुख्यमंत्री विजयशर्मा करिष्यति। कार्यक्रमे स्थानीय-जनप्रतिनिधिभिः सह पञ्चायत-ग्रामीणविकास-विभागस्य वरिष्ठ-अधिकारीणः कर्मचारीणश्च अपि उपस्थिताः भविष्यन्ति। अस्मिन् अवसरः प्रदेशस्य विभिन्न-भागेभ्यः सहस्रशः लखपति-दीद्यः कार्यक्रमे सहभागं करिष्यन्ति।
मुख्यमंत्री श्रीसाय एताभिः महिलाभिः सह संवादं कुर्वन् तासां सफलतायाः कथाः श्रोष्यति तथा शासनस्य विभिन्न-योजनानां माध्यमेन तासां जीवने आगतानां सकारात्मक-परिवर्तनानां विषये जानकारीं प्राप्स्यति। अयं कार्यक्रमः महिलानां आत्मनिर्भरता-सशक्तीकरणयोः दिशि क्रियमाणानां प्रयासानां साझा-करणस्य महत्त्वपूर्णं मंचं भविष्यति।
कार्यक्रमस्य समये मुख्यमंत्री साय ‘लखपति-दीदी’-आधारितं कॉफी-टेबल-पुस्तकं तथा ‘छत्तीसकला’-आधारितं ब्राण्ड-पुस्तकं च विमोचयिष्यति। तेन सह ‘लखपति-दीदी-ग्राम-पटलस्य अपि शुभारम्भः करिष्यते। एतेषां प्रकाशनानां माध्यमेन स्वसहायता-समूहैः सम्बद्धानां महिलानां उपलब्धयः तथा आत्मनिर्भरता-प्रेरक-यात्राः व्यापकतया प्रस्तूयन्ते।
कार्यक्रमे प्रदेशस्य विभिन्न-भागेभ्यः उत्कृष्टं कार्यं कुर्वतीनां स्वसहायता-समूह-सम्बद्धानां महिलानां, कैडर-सदस्यानां तथा लखपति-भगिनीनां सम्माननम् अपि करिष्यते। इदम् आयोजनः महिलानां आर्थिक-सशक्तीकरणस्य दिशि छत्तीसगढ़-सरकारस्य सतत-प्रयत्नान् रेखाङ्कयिष्यति तथा अन्याः महिलाः अपि आत्मनिर्भरत्वं प्राप्तुं प्रेरयिष्यति।
हिन्दुस्थान समाचार