Enter your Email Address to subscribe to our newsletters
नाहनम्, 07 मार्चमासः (हि.स.)।
उद्योगसंसदीयकार्यआयुषमन्त्री हर्षवर्धनचौहानः शनिवासरस्य सायंकाले पावंटासाहिबे आयोजितस्य प्रसिद्धस्य होलीमेलस्य द्वितीयायां सांस्कृतिकसंध्यायां मुख्यातिथिरूपेण सहभागी अभवत्। तेन दीपप्रज्वलनं कृत्वा सांस्कृतिकसंध्यायाः विधिवत् शुभारम्भः कृतः।
उद्योगमन्त्री जनसमूहं सम्बोधयन् अवदत् यत् पावंटासाहिबप्रदेशस्य एव न, अपितु सम्पूर्णदेशस्य अपि महत्त्वपूर्णेषु धार्मिकसांस्कृतिकऐतिहासिकस्थानेषु अन्यतमम् अस्ति। तेन उक्तं यत् गुरुनगर्याः अयं मेलः अत्यन्तं ऐतिहासिकः अस्ति तथा च सर्वधर्मावलम्बिनां जनानां आस्थायाः प्रतीकः अपि अस्ति।
सः अपि अवदत् यत् उत्तराखण्डहरियाणप्रदेशाभ्यां संलग्नस्य अस्य क्षेत्रस्य संस्कृतौ परम्परासु च अद्भुता विविधता तथा विविधसंस्कृतीनां समन्वयः दृश्यते।
तेन उक्तं यत् मेलानां माध्यमेन समाजे समरसता सौहार्दं च वर्धते तथा भ्रातृत्वभावनायाः अपि संवर्धनं भवति। अद्यतनकाले मेलानां महत्त्वं यथावत् रक्षितुं महती चुनौती अस्ति, तथापि प्रदेशस्य जनाः स्वाः प्राचीनपरम्पराः सम्यक् संरक्षितवन्तः, एषः अत्यन्तं हर्षस्य विषयः अस्ति।
सः अपि अवदत् यत् गम्भीरवित्तीयपरिस्थितीनां तथा केन्द्रशासनस्य उदासीनतायाः अपि मध्ये प्रदेशशासनं सर्ववर्गाणां कल्याणाय सर्वोच्चं प्राधान्यं ददाति तथा च रोजगारस्वजीविकयोः अधिकाधिकान् अवसरान् सृजितुं निरन्तरं प्रयत्नशीलम् अस्ति।
---------------
हिन्दुस्थान समाचार