Enter your Email Address to subscribe to our newsletters
जम्मूः, 09 मार्चमासः(हि.स.)। जम्मूनगरे स्थितस्य गवर्नमेंट कॉलेज फॉर वूमेन गांधी नगरस्य गृहविज्ञान विभागस्य छात्राः अम्फल्ला स्थितं वृद्धाश्रमं गत्वा तत्र निवसतां वृद्धनिवासिनां कृते भावपूर्णं सांस्कृतिककार्यक्रमं प्रस्तुतवन्तः। अस्मिन् अवसरे छात्रैः गीत नृत्य नाटिका इत्यादीनां माध्यमेन मनोरञ्जकाः प्रस्तुतयः प्रदत्ताः, येन आश्रमे आनन्दस्य उत्साहस्य च वातावरणं निर्मितम्। कार्यक्रमस्य समये छात्राणां रंगारंग प्रस्तुतयः आश्रमनिवासिनः वृद्धान् अत्यन्तं प्रभावितवन्तः तथा तेषां मुखेषु प्रसन्नता दृष्टा। आश्रमस्य निवासिनः अपि उत्साहेन कार्यक्रमे सहभागित्वं कृतवन्तः, येन एषः आयोजनः सर्वेषां कृते स्मरणीयः अभवत्।
सांस्कृतिककार्यक्रमस्य अतिरिक्तं छात्राः आश्रमनिवासिभिः सह आत्मीयसंवादम् अपि अकुर्वन्। अस्मिन् समये ते वृद्धानां जीवनानुभवान् अशृण्वन् तथा तेषां सम्मुखे आगच्छन्तीनां समस्याः चुनौतयः च विषये चर्चा अकुर्वन्। एषः संवादः छात्राणां कृते महत्त्वपूर्णा शिक्षा अभवत् तथा वृद्धावस्थायाः भावनात्मक सामाजिक पक्षान् अवगन्तुं अवसरः अपि प्राप्तः।
एषः कार्यक्रमः डॉ अर्चना भट्ट डॉ पी रेखी तथा डॉ अर्पणा लांगेह इत्येतासां मार्गदर्शने आयोजितः, यस्मिन् महाविद्यालयस्य लगभग त्रिंशत् छात्राः सहभागी अभवन्। आश्रमप्रबन्धनस्य पक्षतः अध्यक्षः पंकज गुप्ता सचिवः डॉ दिनेश गुप्ता संयुक्त सचिवः विजय गुप्ता तथा प्रबन्धनसमितेः सदस्याः सतपाल शर्मा राजिंदर सिंह च छात्रान् संकायसदस्यान् च स्वागतं कृतवन्तः।
आश्रमप्रबन्धनेन महाविद्यालयस्य अस्याः सराहनीयायाः पहलस्य प्रशंसा कृता तथा उक्तं यत् एतेषु कार्यक्रमेषु वृद्धानां जीवनं आनन्दमयं भवति तथा नूतनपुरातनपीढ्योः मध्ये परस्परसम्बन्धाः अपि दृढीभवन्ति। ते आशां व्यक्तवन्तः यत् भविष्ये अपि एतादृशाः कार्यक्रमाः निरन्तरं आयोजिताः भविष्यन्ति, येन युवासु वरिष्ठनागरिकेषु प्रति संवेदनशीलता जागरूकता च वर्धिष्यते।
हिन्दुस्थान समाचार