सतनानगरम्, ०९ मार्चमासः (हि.स.)। मध्यप्रदेशस्य उच्च-तथा-तकनीकी शिक्षा मन्त्री इन्द्रसिंह-परमारः उक्तवान् यत् भारतदेश: कदापि निर्धन: न आसीत्। भारतदेश: समृद्धं राष्ट्रम् आसीत्, यः 'स्वर्णस्य पक्षी’ इत्यनेन प्रसिद्धः आसीत्। भारतस्य ज्ञानं श्रेष्ठतमं आसीत्। कृषकः आत्मविश्वासी सामर्थ्यवान् च आसीत्। शिक्षितः समाजः भारतस्य आसीत्। भारतस्य संस्कृति: परम्पराः च दृढाः आसन्। विज्ञानयुक्तं भारतीय-समाजस्य कर्मपद्धतिः आसीत्।

मन्त्री परमारः अवदत् यत् भारतस्य एतया समृद्ध्या एव विदेशी-लुंठका:, मुगलः आंग्लीया: च भारतं आगच्छन् तथा समृद्धं भारतं सर्वत्र लुंठितुं प्रयत्नम् अकुर्वन्। न केवलं संस्कृति:, परम्पराः, वेदान्त-शिक्षा-केंद्राणि, क्रीडा-परिसराः नष्टा: अभवन्, रूढिवाद-अन्धविश्वासं भ्रान्तिं जनायितुं च प्रयत्नः कृतः। अधुना समयः आगतः यदा वयं भारतस्य महानतम-ज्ञानं तथा भारतीय-समाजस्य विषये भ्रान्तीन् दूरयित्वा देशस्य २०४७ तमे वर्षे स्वतंत्रतायाः शताब्द्यां विकसित-भारतस्य लक्ष्येण भारतीय-ज्ञानपरम्परायाः वैशिष्ट्यं पूर्णतया मानयेम।

उच्च-शिक्षा मन्त्री परमारः सोमवासरे सतना-जनपदे चित्रकूटस्थित महात्मा-गांधी-ग्रामोदय-विश्वविद्यालये द्विदिवसीय-राष्ट्रीय-विज्ञान-दिवस-कार्यक्रम-२०२६ शुभारंभं आयोजने मुख्यातिथेः रूपेण भाषितवान्। कार्यक्रमस्य अध्यक्षत्वं विश्वविद्यालयस्य कुलगुरुः प्रो.आलोक-चौबे कृतवान्। मुख्य-वक्तारूपेण मध्यप्रदेश-लोक-सेवा-आयोगस्य पूर्व-अध्यक्षः, तथा केंद्रीय प्रदूषण-नियंत्रण-संघ:, नवदिल्ली इत्यस्य पूर्व-अध्यक्षः प्रो.एस.पी.गौतम: भाषितवान्। विशिष्टातिथेः रूपेण अवधेश-प्रताप-सिंह:, विश्वविद्यालय-रीवा कुलगुरुः प्रो.राजेन्द्रकुमार-कुडरिया उपस्थितवान्।

मन्त्री परमारः अवदत् यत् भारतीय-समाजस्य अवधारणां अवगन्तुं तथा पुनःस्मर्तुं राष्ट्रीय-विज्ञान-दिवसः उपयुक्तः अवसरः अस्ति। यदा वयं वैज्ञानिक-शोधं कुर्मः, यदि सामाजिक-मान्यतासु रूढिवादः अन्धविश्वासः वा दृश्यते, तर्हि तं त्यक्तुं आवश्यकम्। वयं युगानुकूलं परिवर्तनस्य पक्षधराः स्मः।

पूर्वमेव मन्त्री परमारः एविएशन-विंग् अवलोकयित्वा गतिविधीन् निरीक्ष्य ताः प्रगतिं अवगत्य विचार-विमर्शं अपि कृतवान्। विश्वविद्यालय-परिसरे कार्यक्रमस्य शुभारंभः राष्ट्रपिता महात्मा-गांधी तथा संस्थापक कुलाधिपति: भारतरत्न: राष्ट्रऋषि-नानाजी देशमुखस्य प्रतिमायाः मल्ल्यार्पणं, श्रद्धासुमनार्पणं, तथा माता-वीणावादिनीसरस्वत्या: समक्षं दीप-प्रज्वलनेन जातः। सरस्वती-वन्दना विश्वविद्यालय-छात्राभिः प्रस्तुतम्। कुलगुरुः प्रो.आलोक-चौबे स्वागत-उद्बोधनं कृतवान्।

कार्यक्रमस्य संचालनं तथा आभार-प्रस्तावः प्रो.ललितकुमार-सिंहः कृतवान्। विशेष-कर्तव्यस्थाः अधिकारिण: डॉ.भरत-व्यासः, अतिरिक्त-संचालकः उच्च-शिक्षा डॉ.आर.पी.सिंहः, पूर्व-कुलगुरुः प्रो.भरत-मिश्रा, पूर्व-कुलपति: प्रो.कपिलदेव-मिश्रा, शिक्षकगणः, शोधार्थी, विद्यार्थी च विभिन्न-प्रतिष्ठानात् प्रतिभागिनः उपस्थितवन्तः।

पंचवटी-घाटे श्रमदानम् मन्त्री परमारः चित्रकूट-प्रवासे पंचवटी-घाटे माता-मंदाकिनी-नदी स्वच्छता-अभियाने भागं गृहीत्वा श्रमदानं कृतवन्तः। स्वयमेव घाट-परिसरे स्वच्छतायै कर्म कुर्वन् जनान् जागरूकं कर्तुं संदेशं दत्तवन्तः।

मन्त्री परमारः अवदत् यत् चित्रकूटः धार्मिक-सांस्कृतिक-आध्यात्मिकदृष्ट्या अत्यन्तं महत्वपूर्णः। मंदाकिनी-नदी श्रद्धालूजनानां आस्थायाः केन्द्रम् अस्ति, अतः तस्य स्वच्छता संरक्षणं सर्वेषां सामूहिक-कर्तव्यं अस्ति। स्वच्छता केवलं सर्वकारी-अभियानं न, किन्तु जनसहभागितया सफलं जन-आंदोलनम् अस्ति। श्रमदान-काले श्रद्धालवः, स्थानीय-नागरिकाः, प्रशासनिक-अधिकारिणः च सह मिलित्वा घाटस्य स्वच्छतां कृतवन्तः। सः आह्वानं कृतवान् यत् नद्यां कूटकं न विसर्जयन्तु तथा पर्यावरणं स्वच्छं स्थापयन्तु।

अस्मिन् अवसरे जनप्रतिनिधयः, प्रशासनिक-अधिकारिण:, सामाजिक-कर्मचारिणः, तथा स्थानीय-नागरिकाः महती-संख्यायाम् उपस्थिताः आसन्।

हिन्दुस्थान समाचार / अंशु गुप्ता