Enter your Email Address to subscribe to our newsletters
गुवाहाटी, 09 मार्चमासः (हि.स.)।
असम-राज्यस्य राज्यपालः लक्ष्मण प्रसाद आचार्यः अद्य अत्र एकस्मिन् उपाहारगृहे (होटल) आयोजितस्य 'फिक्की-महिला-सङ्गठनस्य' (फिक्की फ्लो), उत्तर-पूर्व-अध्यायस्य (Chapter) 'महिला-उपलब्धि-पुरस्कार २०२६' समारोहे भागं गृहीतवान्। अस्मिन् कार्यक्रमे उत्तर-पूर्व-क्षेत्रस्य विविध-क्षेत्रेभ्यः पञ्च उत्कृष्टाः महिलाः सम्मानिताः।
राज्यपालस्य उद्बोधनम्
अस्मिन् अवसरे भाषमाणः राज्यपालः अवदत् यत्, ८ मार्च दिनाङ्के 'अन्तरराष्ट्रीय-महिला-दिवसस्य' उत्सवात् परं, एषः पुरस्कार-समारोहः समाजे महिलानां शक्तिं योगदानं च अभिज्ञातुम् एका अर्थपूर्णा शृङ्खला वर्तते। सः पुरस्कारविजेत्रीभ्यः वर्धापनानि दत्तवान् तथा तासां निष्ठायाः, दृढतायाः, उपलब्धेः च प्रशंसां कृतवान्, येन ताः स्व-स्वक्षेत्रेषु आदर्शभूताः अभवन्।
संस्कृतस्य श्लोकम् उद्धरन्- “यत्र नार्यस्तु पूज्यन्ते रमन्ते तत्र देवताः” - अर्थात् यत्र महिलानां सम्मानं भवति, तत्र देवाः निवसन्ति, राज्यपालः अवदत् यत् असम-राज्ये पूर्वोत्तरस्य अन्य-राज्येषु च महिलानां साहसस्य योगदानस्य च सम्मानस्य समृद्धा परम्परा अस्ति। सः वीरतायाः बलिदानस्य च प्रतीकभूताः सती जॉयमोती तथा कनकलता बरुआ सदृशीः महान्-महिलाः स्मृतवान्।
राष्ट्रनिर्माणं महिला-सशक्तीकरणं च
राष्ट्रनिर्माणे महिलानां सहभागितायाः महत्त्वं प्रतिपादयन् राज्यपालः अवदत् यत् महिलानां सशक्तीकरणं राष्ट्रिय-प्रगतये अत्यावश्यकम् अस्ति। तेन उक्तं यत् प्रधानमन्त्रिणः नरेन्द्र मोदी महोदयस्य नेतृत्वे भारतसर्वकारेण तथा मुख्यमन्त्रिणः डॉ. हिमन्त बिस्व सरमा महोदयस्य नेतृत्वे असम-सर्वकारेण विविध-कल्याण-विकास-योजनानां माध्यमेन महिलानां सशक्तीकरणं सुदृढं कर्तुं बहवः उपक्रमाः कृताः।
पुरस्कारविजेतारः
उल्लेखनीयं वर्तते यत् पुरस्काराः निम्नलिखित-विशिष्ट-व्यक्तिभ्यः प्रदत्ताः:
असततः: धनन्दा पाठक (कामरूपी-लोकगीतस्य प्रवक्त्री)
मेघालयतः: क्मोइन वाहलाङ्ग (दीर्घदूर-धाविका)
मिजोरमतः: मिस जोमावी खियांगटे (सामाजिका उद्यमी)
त्रिपुरातः: रत्ना डे (उद्यमी तथा निर्यातिका)
मणिपुरतः: के. चोकहोने (डायैंथे प्राइवेट लिमिटेड इत्यस्य संस्थापकः मुख्यकार्यकारी च)
अस्मिन् अवसरे असम-राज्यस्य प्रथमा महिला कुमुद देवी, सङ्गठनस्य अध्यक्षा रश्मि मनचंदा, वरिष्ठ-उपाध्यक्षा प्रणिता बरुवा, फिक्की-फ्लो इत्यस्य पदाधिकारिणः अन्ये च बहवः विशिष्टातिथयः उपस्थिताः आसन्।
हिन्दुस्थान समाचार