Enter your Email Address to subscribe to our newsletters
रायपुरम्, १० अप्रैलमासः (हि.स.)। छत्तीसगढ-राज्यस्य मुख्यमन्त्रिणः विष्णुदेव-सायस्य अद्य शुक्रवासरः व्यस्त-कार्यक्रमैः परिपूर्णः भविष्यति। प्रातःकालात् सायंकालपर्यन्तं सः प्रशासनिक-धार्मिक-क्रियाकलापेषु सहभागी भविष्यति।
निर्धारित-कार्यक्रमानुसारं मुख्यमन्त्री प्रातः ११:३० वादने नवा-रायपुर-अटल-नगर-स्थितं पं.दीनदयाल-उपाध्याय-मेमोरियल-एवं-आयुष-विश्वविद्यालयं गमिष्यति। अत्र सः आयोजितायां “ऑल-इण्डिया-हेल्थ-साइन्सेज् वाइस-चांसलर्स्-मीट् २०२६” इत्यस्यां सभायां भागं ग्रहीष्यति। अस्यां महत्त्वपूर्णायां सभायां देशस्य विभिन्न-स्वास्थ्य-विश्वविद्यालयानां कुलपतयः सहभागिनः भविष्यन्ति, यत्र स्वास्थ्य-शिक्षा-नीतिषु मन्थनं भविष्यति।
सभायाः अनन्तरं मुख्यमन्त्री अपराह्णे १२:३० वादने पुनः रायपुरं प्रति प्रस्थितः भविष्यति तथा १:०० वादने मुख्यमन्त्री-निवासं प्राप्य आरक्षितः भविष्यति। सायंकाले ६:३० वादने मुख्यमन्त्री पुनः निवासात् प्रस्थितः भूत्वा ६:४० वादने वीआईपी-मार्ग-स्थितं श्रीराम-मन्दिरं गमिष्यति। अत्र सः आरक्षित-कार्यक्रमे सहभागी भविष्यति तथा भगवतः श्रीरामस्य दर्शन-पूजनं करिष्यति।
हिन्दुस्थान समाचार / अंशु गुप्ता