भोपालनगरम्, १० अप्रैलमासः (हि.स.)। अद्य शुक्रवासरे “जल-संसाधन-दिवसः” अस्ति। अस्य अवसरस्य उपलक्ष्ये मध्यप्रदेशस्य मुख्यमन्त्री डॉ.मोहन-यादवः नागरिकान् जलस्य महत्त्वं बोधयन् तस्य संरक्षण-संवर्धनयोः कृते कृताम् आह्वानं पुनः आवृत्तवान्।

मुख्यमन्त्री डॉ.यादवः ‘एक्स’ इत्यत्र संदेशं प्रकाश्य लिखितवान्— “जलम् एव जीवनम्… जलं केवलं जीवनस्य आधारः एव न, अपितु सृष्टेः सारः अपि अस्ति। प्रत्येकं बिन्दौ भविष्यस्य सुरक्षा समृद्धिश्च निहिता अस्ति। आगच्छामः, जल-संसाधन-दिवसस्य अवसरे वयं संकल्पं कुर्मः यत् जलस्य संरक्षणं, संवर्धनं, संतुलित-उपयोगं च माध्यमीकृत्य अग्रिम-वंशानां कृते सुरक्षितं समृद्धं च भविष्यं सुनिश्चितं करिष्यामः।”

उल्लेखनीयम् अस्ति यत् भारते प्रतिवर्षं १० अप्रैलमासे “जल-संसाधन-दिवसः” आचर्यते, यः प्राकृतिक-जलस्रोतसां संरक्षणाय, जलस्य अपव्यय-निवारणाय तथा स्वच्छ-जल-विषये जागरूकता-वृद्धये समर्पितः अस्ति।

हिन्दुस्थान समाचार / अंशु गुप्ता