Enter your Email Address to subscribe to our newsletters
- कृषि क्विज प्रतियोगितायाः विजेतृभ्यो मिलिष्यति पुरस्कारः
- मुख्यमंत्री डॉ. यादवः अकरोत् कृषि लोकरंग आयोजनस्य सज्जानां समीक्षाम्
भोपालम् , 10 अप्रैलमासः (हि.स.)।मध्यप्रदेशस्य मुख्यमन्त्री डॉ. मोहन यादव उक्तवान् यत् कृषि: अस्माकं जीवनसंस्कृतेः मूलाधारः अस्ति। कृषकाः केवलं अन्नदातारः न, अपि तु अस्माकं संस्कृतेः, परम्पराणां सुरक्षितभविष्यस्य च आधारस्तम्भाः सन्ति। कृषकः स्वकुटुम्बस्य कृते एव न, अपि तु सम्पूर्णसमाजस्य कृते अन्नस्य उत्पादनं करोति।
शुक्रवासरे मुख्यमन्त्री निवासे समत्वभवने आयोजितस्य कृषि लोकरंग २०२६ कार्यक्रमस्य सिद्धतासमीक्षासभायां सः उक्तवान् यत् एषः आयोजनः कृषकजीवनस्य, तेषां प्राचीनपरम्पराणां कृषि संस्कृतेः च जीवंत उत्सवः भवेत्। ये दिनरात्रं निरन्तरं श्रमं कृत्वा सर्वेषां पोषणस्य चिन्तां कुर्वन्ति, तेषां जीवनं सुखरङ्गैः पूरयितुं सर्वेषां कर्तव्यं भवति।
सः उक्तवान् यत् कृषकः मनुष्याणां सह पशुपक्षिणां कीटपतंगानां च पोषणं करोति। अतः तादृशस्य अन्नदातुः जीवनं आनन्देन उत्सवेन च पूरयितुं अस्माकं दायित्वम् अस्ति। सः अवदत् यत् मध्यप्रदेशसरकारेण एतत् वर्षं कृषककल्याणवर्षरूपेण मन्यते। कृषि लोकरंग २०२६ अस्यां दिशि महत्त्वपूर्णा पहल अस्ति।
मुख्यमन्त्री उक्तवान् यत् कृषि लोकरंगे कृषकानां जनसामान्यस्य च सहभागिता वर्धयितुं कृषि प्रश्नोत्तरी स्पर्धादयः नवान्वेषाः क्रियन्ताम्। विजेतृभ्यः पुरस्काराः अपि दत्तव्याः। प्रत्येकजिलस्य प्रथमस्थानप्राप्ताय कृषकहितकराणि उपकरणानि यथा ट्रैक्टरादीनि अन्ये च पुरस्काराः दातुं शक्यन्ते।
लोकरंगस्य अवसरः राज्यसंभागजिलास्तरेषु सांस्कृतिककार्यक्रमाः आयोजनीयाः। अस्य वर्षस्य उद्देश्यः कृषकानां आयवृद्धिः जीवनस्तरस्य उन्नतिः कृषि लाभकारीकरणं च अस्ति, तथैव तेषां जीवनं आनन्दपूर्णं कर्तुम्। अतः एतत् वर्षं कृषकानन्दवर्षरूपेण अपि मन्यते, येन ते आर्थिकसामाजिकसांस्कृतिकदृष्ट्या सम्मानिताः अनुभवेयुः।
एतेषु कार्यक्रमेषु कृषकानां अधिकतम सहभागिता सुनिश्चिता भवेत्। ग्रामीणक्षेत्रेषु अपि अस्य आयोजनस्य सूचना सम्यक् प्रसार्यताम्। स्थानीयउत्पादाः हस्तशिल्पानि कृषिआधारितउद्योगानां उत्पादाश्च प्रदर्श्यन्ताम्, येन कृषकाः बाजारैः सह संयोजितुं शक्नुवन्ति।
मुख्यमन्त्री उक्तवान् यत् एषः आयोजनः कृषकानां योगदानस्य सार्वजनिकमान्यता प्रदातुं तथा समाजे तेषां प्रति सम्मानभावं दृढीकर्तुं प्रयत्नः अस्ति। युवानां सहभागिता अपि वर्धनीया, येन नूतनपीढी कृषि कृषकयोः महत्त्वं ज्ञातुं शक्नोति।
सः अवदत् यत् जलगङ्गासंवर्धनअभियानं कृषककल्याणवर्षेण सह सम्बद्धं क्रियताम्। अस्य अन्तर्गतं जलसंरचनानां निर्माणं शुष्कजलस्रोतसां पुनर्जीवनं च शीघ्रं क्रियते। एतेषां कार्याणां लाभार्थिनः मुख्यतया कृषकाः एव सन्ति।
लोकरंगसमये प्रगतिशीलकृषकाः सम्माननीयाः। उन्नतकृषितन्त्रज्ञानं जैविकप्राकृतिककृषिः जलसंरक्षणं फसलविविधीकरणं च विषये शिक्षणं दातव्यम्, परालीदाहं न कर्तुं प्रेरणा अपि दातव्या।
स्थानीयनिकायानां मेलकैः सह एषः आयोजनः संयोज्यताम्, येन जनसामान्याय अपि कृषकहितकार्याणां सूचना रोचकतया प्रदीयेत। नवान्वेषाः अपि क्रियन्ताम्, येन कृषकाः नूतनदिशां प्रेरणां च प्राप्नुयुः।
प्राकृतिककृषिं स्वीकृतवन्तः कृषकाः ये पर्याप्तपरिमाणेन उत्पादान् विक्रयन्ति, ते गणतन्त्रदिवसे स्वातन्त्र्यदिवसे च सम्माननीयाः। राज्यसंभागस्तरेषु अपि तेषां सम्मानसमारोहाः आयोजनीयाः।
कृषककल्याणकृषिविकासविभागस्य सचिवेन उक्तं यत् वीरभारतन्यासस्य न्यासी सचिवः अस्य आयोजनस्य नोडलअधिकारी भविष्यति। अस्मिन् आयोजनमध्ये संस्कृतिविभागस्य मार्गदर्शनेन विविधविभागानां सहभागिता भविष्यति।
सभायां मुख्यसचिवः अनुराग जैन, अपरमुख्यसचिवः अनुपम राजन, प्रमुखसचिवः डी पी आहूजा, सचिवः निशांत बरवड़े, आयुक्तः मनीष सिंह, मुख्यमन्त्रिणः सचिवः इलैया राजा टी, संस्कृतिसलाहकारः श्रीराम तिवारी इत्यादयः अपि उपस्थिताः आसन्।
हिन्दुस्थान समाचार