Enter your Email Address to subscribe to our newsletters
नैनीतालनगरम्, १० अप्रैलमासः (हि.स.)। कुमाऊँ-विश्वविद्यालयस्य भूविज्ञान-विभागस्य शोधार्थी डॉ.शुभम्-चौधरी भारतीय-प्रौद्योगिकी-संस्थाने भुवनेश्वरे चयनितः। अस्मिन् विषये विश्वविद्यालय-परिवारः हर्षं व्यक्तवान् तथा एताम् उपलब्धिं विश्वविद्यालयस्य शैक्षणिक-उत्कृष्टतां शोध-परम्परां च सुदृढीकर्त्री इति उक्तम्।
डॉ.शुभम्-चौधरी प्रो.सन्तोष-कुमारस्य निर्देशनस्य अधीनं मेघालयस्य सुंग-वैली-क्षेत्रे प्राप्यमाणानां मैफिक-अल्ट्रामैफिक-शैलानां तथा तैः सम्बद्धस्य खनिजीकरणस्य विषये महत्त्वपूर्णं शोधकार्यं कृतवान्, यत् भूविज्ञान-क्षेत्रे विशेष-महत्त्वपूर्णं मन्यते। प्रो.सन्तोष-कुमारः अवदत् यत् एषा उपलब्धिः विभागस्य कृते प्रेरणास्रोतः अस्ति तथा अनेन अन्ये शोधार्थिनः उच्च-गुणवत्तायुक्त-अनुसन्धानाय प्रोत्साहिताः भविष्यन्ति।
कुलपतिः प्रो.दीवान-रावतेन सह विश्वविद्यालय-परिवारः डॉ.चौधरीं अभिनन्द्य तस्य उज्ज्वल-भविष्यस्य कामनां कृतवान्।
हिन्दुस्थान समाचार / अंशु गुप्ता