Enter your Email Address to subscribe to our newsletters
पौड़ी गढ़वालम्, 10 अप्रैलमासः (हि.स.)।
चारधामयात्रायाः समये संभाविताभ्यः आपद्भ्यः निवारणतत्परतानां परीक्षणार्थं शुक्रवासरे राष्ट्रीय आपदा प्रबंधन प्राधिकरण-स्य नेतृत्वे राज्यस्तरीया अभ्यासप्रक्रिया (मॉक ड्रिल) आयोजिता। अस्याम् जनपदे पौड़ी सहिते प्रदेशस्य विभिन्नेषु जनपदेषु विविधआपदापरिदृश्येषु आधृत्य राहत्-उद्धारकार्याणां परीक्षणं कृतम्।
अस्याः अभ्यासप्रक्रियायाः स्थापनाक्षेत्रं (स्टेजिंग एरिया) एनआईटी-क्षेत्रे निर्मितम्। श्रीनगरक्षेत्रे एनआईटी, सैनिकहोटल, गढ़वालमण्डलविकासनिगम, फरासूहनुमानमन्दिरं तथा सिरोबगड् समीपे मॉक-अभ्यासः आयोजितः, यस्मिन् प्रशासनम्, एसडीआरएफ, पुलिस, स्वास्थ्यविभागः, अग्निशमनविभागः च सहिताः अन्ये विभागाः समन्वितरूपेण सहभागीभूताः।
जिलामुख्यालयस्थितात् नियन्त्रणकक्षात् मुख्यविकासाधिकारी गिरीशगुणवन्तः समग्रकार्यक्रमस्य निरीक्षणं कृत्वा सर्वासु क्रियासु सततमवलोकनं कृतवान्।
श्रीनगरक्षेत्रे आयोजिते अस्मिन् अभ्यासे विभिन्नानि स्थानानि आपदापरिदृश्यरूपेण निर्दिष्टानि कृत्वा घटनानां यथार्थचित्रणं कृतम्। कुत्रचित् भूस्खलनस्थितौ मलबेषु बद्धानां जनानां सुरक्षितनिर्गमनस्य चुनौती समुपस्थिता, अन्यत्र मार्गदुर्घटनायां पीडितानां शीघ्रचिकित्साया व्यवस्थापनं चिकित्सालयपर्यन्तं प्रेषणं च परीक्षितम्। अग्निकाण्डस्थितौ प्रभावितक्षेत्रात् जनानां सुरक्षितनिर्गमनं तथा प्राथमिकोपचारस्य व्यवस्था दर्शिता। भूकम्पसदृशस्थितौ क्षतिग्रस्तभवनेभ्यः उद्धारकार्याणि सञ्चालितानि, येन राहत्कार्यस्य प्रभावशीलता परीक्षिता।
जिलाधिकारी स्वाति एस् भदौरिया उक्तवती यत् अयं मॉक-अभ्यासः केवलं औपचारिकता नास्ति, अपि तु आपदाप्रबन्धनस्य वास्तविकतत्परतानां व्यवहारिकपरीक्षणम् अस्ति। अस्मिन् अवसरे आर्-डीएफओ गढ़वालः महातिमयादवः, अधीक्षणअभियन्ता जलसंस्थानस्य प्रवीणसैनी, जिलाविकासाधिकारी मनविन्दरकौर, जिलापञ्चायतीराजाधिकारी जितेन्द्रकुमारः, मुख्यपशुचिकित्साधिकारी डॉ. विशालशर्मा च उपस्थिताः आसन्।
हिन्दुस्थान समाचार