Enter your Email Address to subscribe to our newsletters
जम्मूः, 12 अप्रैलमासः(हि.स.)।
उपराज्यपालः मनोजसिन्हा अवदत् यत् दक्षिणकश्मीरप्रदेशे स्थितस्य पवित्रस्य अमरनाथगुहामन्दिरस्य वार्षिकतीर्थयात्रा जुलाईमासस्य तृतीये दिने आरभ्यते तथा च सप्तपञ्चाशद्दिनानन्तरं अगस्तमासस्य अष्टाविंशतितमे दिने समाप्तिं गच्छति।
उपराज्यपालः लोकभवने संवाददातृभ्यः उक्तवान् यत् त्रयोदशवर्षात् सप्ततिवर्षपर्यन्ताः तीर्थयात्रिणः यात्रां कर्तुं अर्हन्ति, तथा च पञ्जीकरणं अप्रैलमासस्य पञ्चदशतमे दिने आरभ्यते।
मनोजसिन्हस्य अध्यक्षतायां श्रीअमरनाथजीश्राइनबोर्डस्य (एसएएसबी) बैठके यात्रायाः तिथयः निश्चिताः।
सः पुनः अवदत् यत् यात्रा जुलाईमासस्य तृतीये दिने आरभ्य अगस्तमासस्य अष्टाविंशतितमे दिने समाप्तिं गमिष्यति। अस्मिन् वर्षे यात्रा दीर्घतरा भविष्यति या प्रायः सप्तपञ्चाशद्दिनपर्यन्तं भविष्यति।
तीर्थयात्रायाः कृते पञ्जीकरणं अनिवार्यं कृतम् अस्ति, यत् अप्रैलमासस्य पञ्चदशतमे दिने आरभ्यते। तीर्थयात्रिणां न्यूनतमवयः त्रयोदशवर्षाणि तथा अधिकतमवयः सप्ततिवर्षाणि निर्धारितः अस्ति।
सः अवदत् यत् देशस्य विभिन्नेषु स्थानेषु स्थितानां प्रायः ५५६ निर्दिष्टबैंकशाखानां माध्यमेन अग्रिमपञ्जीकरणं कर्तुं शक्यते, तथा च ऑनलाइनपञ्जीकरणं श्रीअमरनाथजीश्राइनबोर्डस्य आधिकारिकजालपुटस्य माध्यमेन अपि उपलब्धम् अस्ति।
यस्बैंक, आईसीआईसीआईबैंक, पंजाबनेशनलबैंक, भारतीयस्टेटबैंक तथा एक्सिसबैंक इत्येतानि स्वशाखाभ्यः पञ्जीकरणस्य सुविधा प्रदास्यन्ति।
उपराज्यपालः अवदत् यत् ज्येष्ठपूर्णिमाया अवसरि प्रथमपूजा जूनमासस्य उन्नविंशतितमे दिने भविष्यति।
एषा तीर्थयात्रा द्वाभ्यां मार्गाभ्यां आरभ्यते—
अनन्तनागजिले स्थितः पारम्परिकः अष्टचत्वारिंशत्किलोमीटरदीर्घः नुनवान्-पहलगाममार्गः तथा गान्दरबलजिले स्थितः चतुर्दशकिलोमीटरदीर्घः किन्तु तीव्रः बालटालमार्गः।
---------------
हिन्दुस्थान समाचार