Enter your Email Address to subscribe to our newsletters
ज्योतिर्मठम्, 12 अप्रैलमासः (हि.स.)।धार्मिकपर्यटननगरी ज्योतिर्मठे अवस्थितस्य सीमाक्षेत्रस्य एकमेव उच्चशिक्षणसंस्थानस्य राजकीय स्नातकोत्तर महाविद्यालय जोशीमठ इत्यस्य वार्षिकोत्सवः स्मरणीयैः सांस्कृतिककार्यक्रमैः तथा महाविद्यालयस्य शैक्षणिकक्रीडाक्षेत्रयोः प्रतिभाशालिनां छात्राणां सम्माननेन सफलतया सम्पन्नः अभवत्।
कार्यक्रमे बद्रीनाथ केदारनाथ मंदिर समिति उपाध्यक्षः ऋषि प्रसाद सती मुख्यातिथिरूपेण उपस्थितः आसीत्, तथा हेमकुंड साहिब मैनेजमेंट ट्रस्ट मुख्यप्रबन्धकः सरदार सेवा सिंह अति विशिष्टातिथिरूपेण सहभागित्वं कृतवान्।
सामाजिककार्यकर्ता तथा जिला रेड क्रॉस समिति अध्यक्षः ओमप्रकाश डोभाल, अभिभावकशिक्षकसंघस्य अध्यक्षः उमेश राणा, उपाध्यक्षः मीना राणा, पूर्वपार्षदः तथा निवर्तमान पी.टी.ए. अध्यक्षः कलम सिंह राणा, डॉ. मित्रश्री च विशेषातिथयः रूपेण उपस्थिताः आसन्।
वार्षिकोत्सवे छात्राः छात्राश्च उत्तराखण्डस्य लोकसंस्कृतिं सामाजिकजीवनं च आधारीकृत्य मनोहरैः सांस्कृतिककार्यक्रमैः अद्भुतं वातावरणं निर्मितवन्तः। एतेषु कार्यक्रमेषु एकलनृत्यम्, समूह-नृत्यम्, एकलगायनम्, युगलगायनम्, मांगलगानं च समाविष्टानि आसन्।
महाविद्यालयस्य एण्टि-ड्रग्स-प्रकोष्ठेन, नोडल-अधिकारी डॉ. चरणसिंह केदारखण्डी विरचितं “नशामुक्त जीवन एक वरदान है” इति नाटकं प्रदर्श्य, देवभूमौ शीघ्रं प्रसृतं युवाशक्तिं ग्रसमानं नशाव्यापारं प्रति तीक्ष्णव्यङ्ग्यं कृतं तथा समाजे नशामुक्तेः सन्देशः प्रदत्तः।
समारोहे कार्यक्रमाध्यक्षाः तथा महाविद्यालयस्य प्राचार्या प्रोफेसर प्रीति कुमारी सर्वेषां अतिथीनां स्वागतं कृत्वा वार्षिकप्रतिवेदनं पठित्वा महाविद्यालयस्य उपलब्धयः प्रस्तुता।
मुख्य अतिथिरूपेण स्वभाषणे ऋषि प्रसाद सती उक्तवान् यत् अस्य महाविद्यालयस्य स्थापनाकालादेव तेन सह गाढः भावनात्मकः सम्बन्धः अस्ति। तेन सार्वजनिकमञ्चस्य छादनिर्माणस्य व्यवस्था करिष्यते इति उक्तम्। अपि च स्नातकोत्तरविषयेषु अध्ययनसुविधा प्रदाने सः प्रयत्नशीलः अस्ति इति अवदत्।
अतिविशिष्ट अतिथिरूपेण सरदार सेवा सिंह उक्तवान् यत् उच्चशिक्षा राष्ट्रस्य सम्भावनानां मेरुदण्डः अस्ति तथा भविष्यम् आकारयति। तेन छात्रहिताय सार्वजनिकमञ्चस्य विस्तारकार्यं शीघ्रमेव करिष्यते तथा स्वच्छपरिसरार्थं घासच्छेदनयन्त्राणि प्रदास्यन्ते इति घोषिता।
प्रतिभासम्मानसमारोहरूपेण “मुख्यमंत्री उच्च शिक्षा प्रोत्साहन छात्रवृत्ति योजना” अन्तर्गतं विविधकक्षासु उत्कृष्टाङ्कान् प्राप्तवन्तः १९ मेधाविनः छात्राः स्वर्ण, रजत, कांस्यपदकैः प्रमाणपत्रैः सह अभिभावकाणां उपस्थितौ डॉ. किशोरीलालस्य मार्गदर्शनेन सम्मानिताः।
क्रीडाक्षेत्रे अपि क्रीडापरिषदः प्रभारी डॉ. पवनकुमारस्य निर्देशनात् वार्षिकक्रीडास्पर्धासु उत्कृष्टप्रदर्शनं कृतवन्तः छात्राः सम्मानिताः। पुरुषवर्गे सीमांतसिंह फर्स्वाण ‘चैम्पियन’ इति पदवीम् अलभत, महिला वर्गे प्रियंका अपि ‘चैम्पियन’ इति अभवत्। भालाफेक, धावन, कैरम्, शतरञ्ज, उच्चकूद, दीर्घकूद, गोलाफेक इत्यादीनां स्पर्धानां विजेतारः अपि सम्मानिताः।
सांस्कृतिकपरिषदः पक्षतः छात्रसंघाध्यक्षः दिव्यांशु, उपाध्यक्षः रिया, सचिवा सृष्टि, सहसचिवा मनीषा, कोषाध्यक्षा स्नेहा च स्मृतिचिह्नैः सम्मानिताः। ओमप्रकाश डोभाल तथा स्वामी मित्रश्री युवभिः सह प्रेरणादायकसंवादं कृतवन्तौ।
कार्यक्रमस्य संचालनं सहायकप्राध्यापकौ डॉ. नवीन पन्त तथा डॉ. रणजीत सिंह मर्तोलिया कृतवन्तौ, छायांकनं हरीश नेगी कृतवान्। अस्मिन् समारोहे प्रो. सत्यनारायण राव, डॉ. जी.के. सेमवाल, डॉ. नन्दन रावत, डॉ. धीरेंद्र सिंह, डॉ. राजेन्द्र सिंह, रणजीत सिंह राणा, जीत सिंह भण्डारी, आनन्द सिंह, रचना, जगदीश लाल इत्यादयः तथा अन्ये बहवः गणमान्यनागरिकाः उपस्थिताः आसन्।
हिन्दुस्थान समाचार