धर्मशाला-नगरम्, १२ अप्रैलमासः (हि.स.)। प्रदेशे स्थापितेषु ४१ मूल्यांकन-केन्द्रेषु सञ्चाल्यमानासु संघस्य वार्षिक-परीक्षाणां उत्तरपुस्तिकानां मूल्यांकन-कार्ये उल्लेखनीया प्रगति: अभिलेखिता। प्रथम-चरणे अद्यावधि प्रायः ६० प्रतिशत-उत्तरपुस्तिकानां मूल्यांकन-कार्यं सम्पन्नम्, शेष-कार्यं च निर्धारित-समय-सीमायां पूर्णयितुं निर्देशाः दत्ताः।

हिमाचल-प्रदेश-विद्यालय-शिक्षा-संघस्य अध्यक्षः डॉ.राजेश-शर्मा अवदत् यत् प्रथम-चरणस्य मूल्यांकन-कार्यं १६ अप्रैल-पर्यन्तं पूर्णयितुं लक्ष्यं निर्धारितम् अस्ति, तथा अस्मिन् एव काले द्वितीय-चरणस्य कार्यम् अपि आरभ्यते। तदर्थं संघ-मुख्यालयतः मूल्यांकन-केन्द्रेषु उत्तरपुस्तिकानां बण्डल-प्रेषण-प्रक्रिया आरब्धा। तेन उक्तं यत् संघेन परीक्षा-परिणामाः ३० अप्रैल-पर्यन्तं घोषितुं लक्ष्यं निर्धारितम् अस्ति, अस्यां दिशि सर्वे अधिकारिणः कर्मचारिणश्च समर्पणेन कार्यं कुर्वन्ति।

तेन उक्तं यत् दशमी-द्वादशी-कक्षयोः विभिन्न-विषयाणां उत्तरपुस्तिकानां मूल्यांकनं शीघ्रतया क्रियते, यस्मिन् सहस्रशः शिक्षकाः सक्रियतया संलग्नाः सन्ति। डॉ.राजेश-शर्मा सर्वान् सम्बन्धित-अधिकारीन् शिक्षकान् च निर्देशितवान् यत् ते गोपनीयतां पारदर्शितां च पालनं कुर्वन्तः स्वकर्तव्यं निर्वहन्तु, येन विद्यार्थिनां कृते समयबद्धाः सम्यक् परिणामाः प्रदातुं शक्यन्ते।

हिन्दुस्थान समाचार / अंशु गुप्ता