कोलकातानगरम्, १२ अप्रैलमासः (हि.स.)। “रक्तदानमेव जीवनदानम्” इति मूलमन्त्रं आधाय रविवासरे दक्षिण-कोलकाता-स्थिते लेक-गार्डन्स-प्रदेशे पूर्वाञ्चल-जनकल्याण-समित्याः प्रयत्नेन सामान्य-जनानां कृते रक्तदान-शिविरं आयोजितम्। शिविरस्य आरम्भः दीप-प्रज्वलनेन अभवत्। अस्मिन् अवसरि समित्याः अध्यक्षः ललित-तोदी तथा वरिष्ठ-सदस्यः मोहनलाल-टिब्रेवाल उपस्थितौ आस्ताम्। कार्यक्रमे पवन-कुमारः, सुजाता-देसाई इत्यादयः अपि उपस्थिताः आसन्। शिविरे आगतानां प्रत्येकं रक्तदातुः पूर्वं प्राथमिक-स्वास्थ्य-परीक्षणं कृतम्।

अस्मिन् अवसरि पवन-कुमारः अवदत् यत् अद्यपर्यन्तं प्रायः ७० जनाः रक्तदानार्थं स्वनामानि पञ्जीकृतवन्तः, तथा दिनस्य प्रवृत्त्या एषा संख्या वर्धिष्यते इति सम्भावना अस्ति।

सः अवदत् यत् अस्मिन् वर्षे अप्रैल–मई-मासयोः निर्वाचन-कारणेन बहूनां सामाजिक-संस्थाः ध्यानं निर्वाचन-क्रियासु अधिकं केन्द्रितम्, येन रक्तदान-शिविरादयः कार्याः किञ्चित् उपेक्षिताः अभवन्। सामान्यतया अपि बहवः शिविराः स्वातन्त्र्य-दिवसस्य गणतन्त्र-दिवसस्य वा अवसरं प्रति आयोज्यन्ते, यस्मात् अप्रैल–मई-मासयोः चिकित्सालयेषु रक्ताभावः दृश्यते। एतस्यां स्थितौ एतत् शिविरम् आयोजितम्।

पवन-कुमारः पुनः अवदत् यत् अस्मिन् वर्षे एम.आर.-बाङ्गुर-चिकित्सालयेन तेषां संस्थां प्रति रक्तदान-शिविरस्य आयोजनाय अनुरोधः कृतः। संस्था भविष्ये अपि एतादृशान् जनकल्याणकारी-कार्यक्रमान् आयोजयिष्यति।

अस्य शिविरस्य विशेष-आकर्षणं आसीत् यत् संस्थायाः सम्बद्धाः वैद्यकीय-विद्यार्थिनः अपि स्वेच्छया भागं गृह्णन्तः मानव-सेवायां सक्रियतया सहभागी अभवन्।

हिन्दुस्थान समाचार / अंशु गुप्ता