हाथरस-जनपदे रसीदपुर-ग्रामनिवासी भारतीय-सेनायाः हवलदारः अजीत-कुमारः राष्ट्रीय-स्तरे उत्कृष्टं प्रदर्शनं कृत्वा रजत-पदकं विजितवान्। सः २०२६-वर्षस्य प्रथम-राष्ट्रीय-नौकायन-चैम्पियनशिप्-प्रतियोगितायां भारतीय-सेनायाः दलस्य प्रतिनिधित्वं कृतवान्। एषा प्रतियोगिता ८–११ अप्रैल-तिथिषु ओडिशा-राज्यस्य कटक-नगरे जवाहरलाल-नेहरू-आन्तरिक-क्रीडाङ्गणे आयोजिता आसीत्।

अजीत-कुमारः आन्तरिक-रोइङ्ग्-प्रतियोगितायां स्वदलाय रजत-पदकं प्राप्तवान्। अस्मिन् अवसरे तेन उत्कृष्टं पराक्रमं, अनुशासनं क्रीडाभावनां च प्रदर्शितम्। अस्य सफलतया तस्य परिवारस्य अपि च समग्र-प्रदेशस्य मध्ये हर्षोल्लासस्य वातावरणं जातम्।

तस्य सफलतायाः वार्ता श्रुत्वा रसीदपुर-ग्रामे उत्साहः संजातः। परिजनाः ग्रामवासिनः च परस्परं मिष्टान्न-वितरणेन स्वीयां प्रसन्नतां प्रकटितवन्तः। ग्रामीणाः उक्तवन्तः यत् सेनायां सेवां कुर्वन् क्रीडाक्षेत्रे राष्ट्रीय-स्तरे पदक-विजयः यूनां कृते प्रेरणादायकः अस्ति।

अस्मिन् अवसरे अजरुद्दीन-फौजी, मदन-मोहनः, मौसम-शर्मा, ओमवीर-प्रधानः, अवधेश-कुमारः, मुकेश-प्रधानः इत्यादयः बहवः ग्रामवासिनः अजीत-कुमारं अभिनन्दितवन्तः।

हिन्दुस्थान समाचार / अंशु गुप्ता