Enter your Email Address to subscribe to our newsletters
टोंकम्, 13 अप्रैलमासः (हि.स.)।
सचिन पायलट, यः कांग्रेस-पक्षस्य राष्ट्रीय-महासचिवः, पूर्व-उपमुख्यमन्त्री तथा टोंक-क्षेत्रस्य विधायकः अस्ति, सः राजस्थान-प्रदेशस्य भाजपा-शासनस्य प्रति तीव्रं आक्षेपं कृतवान्। सः उक्तवान् यत् राजस्थाने मनरेगा इति महत्त्वपूर्णा योजना प्रायः नष्टप्रायाऽभवत्, शासनं तु केवलं स्वप्रचारे एव निमग्नम् अस्ति।
सोमवासरे टोंक-नगरस्य प्रवासकाले पत्रकारैः सह संवादं कुर्वन् सः आरोपितवान् यत् भाजपा-शासनं पराजयभयात् जानबूझ्य स्थानीय-निकायानां तथा पञ्चायतीराज-संस्थापनां निर्वाचनानि न कारयति। तेन उक्तं यत् नगरेषु ग्रामेषु च निर्वाचित-जनप्रतिनिधीनां अभावात् सामान्यजनानां नित्यकार्याणि बाधितानि भवन्ति।
पायलट् अवदत् यत् मनरेगा-योजनायाः दुर्बलतया लक्षशः ग्रामीण-परिवाराणां रोजगारः नष्टः अभवत्। तेन शासनस्य प्रति आरोपः कृतः यत् तस्य ध्यानं विकासकार्येभ्यः अपसृत्य केवलं प्रचार-प्रसार-प्रदर्शनपर्यन्तं सीमितम् अस्ति।
सः प्रदेशे पेयजल-संकटस्य विषये अपि चिन्तां व्यक्तवान्, तथा चेतावनीं दत्तवान् यत् यदि आगामि-ग्रीष्मकालं दृष्ट्वा जलापूर्तेः तथा नलिकानां (पाइपलाइन) समुचितव्यवस्था न क्रियते, तर्हि स्थिति अत्यन्तं गम्भीरा भवितुम् अर्हति।
अस्मिन् अवसरॆ सः टोंक-स्थिते सेंट् जोसेफ-शिक्षण-संस्थाने नूतन-छात्रावासस्य उद्घाटनम् अपि कृतवान्। सः उक्तवान् यत् शिक्षाक्षेत्रे साधनानां सम्यक् उपयोगः आवश्यकः अस्ति, येन युवसंततये उत्तमाः सुविधाः प्रदीयेरन् तथा ते निरन्तरं प्रगतिं कुर्वन्तु।
---------------
हिन्दुस्थान समाचार