देहरादून-नगरम्, १३ अप्रैलमासः (हि.स.)। उत्तराखण्डस्य मुख्यमन्त्री पुष्कर-सिंह-धामी सोमवासरे स्वस्य राजकीय-आवासे बाबा-नीब-करौरी-महाराजं आधारितस्य एकस्य चलचित्रस्य प्रोमो तथा तस्य विज्ञापनस्य लोकार्पणम् अकरोत्। अस्मिन् अवसरे सः अवदत् यत् एषा चलचित्र-प्रस्तुतिः केवलं सिनेमाई-प्रदर्शनं न, अपि तु श्रद्धा-भक्ति-मानवता-उच्च-आदर्शान् समाजस्य सर्वेषु वर्गेषु प्रेषयितुं प्रशंसनीयं प्रयत्नम् अस्ति।

मुख्यमन्त्री अवदत् यत् बाबा-नीब-करौरी-महाराजस्य दिव्यं जीवनम् अद्यापि कोटिशः जनानां कृते प्रेरणास्रोतः अस्ति। तस्य उपदेशाः सरलता, करुणा, सेवा तथा भक्ति-मार्गे चलितुं संदेशं ददति, ये वर्तमान-काले अत्यन्तं प्रासंगिकाः सन्ति। मुख्यमन्त्री उक्तवान् यत् आध्यात्मिक-सांस्कृतिक-विषयेषु आधारिताः एते प्रकाराः प्रयत्नाः भारतीय-संस्कृतेः सनातन-मूल्यानां संरक्षणे प्रसारे च महत्त्वपूर्णां भूमिकां निर्वहन्ति। सः विश्वासं व्यक्तवान् यत् एषा चलचित्र-रचना समाजे सकारात्मक-ऊर्जायाः संचारं करिष्यति तथा नूतन-वंशं स्वस्य सांस्कृतिक-आध्यात्मिक-मूल्यैः सह संयोजयितुं सहायकत्वेन सिद्धा भविष्यति।

मुख्यमन्त्री चलचित्रे सम्बद्धान् सर्वान् कलाकारान्, निर्देशकं तथा निर्मातृ-दलम् अस्य आध्यात्मिक-प्रयत्नस्य कृते अभिनन्दनं शुभाशयांश्च अददात्। अस्मिन् अवसरे स्वामी-रामदेवः, स्वामी-चिदानन्द-सरस्वती, चलचित्र-निर्देशकः शरद-सिंह-ठाकुरः इत्येतै: सह अन्ये कलाकाराः अपि उपस्थिताः आसन्।

हिन्दुस्थान समाचार / अंशु गुप्ता