हल्द्वानी-नगरम्, १४ अप्रैलमासः (हि.स.)। चौसला-ग्रामसभायाः मीठा-आंवला-प्रदेशे मीराबाई-ग्राम-संगठनेन भारत-रत्न-समन्वितस्य भीमराव रामजी आंबेडकर-महाभागस्य जयन्त्याः अवसरे सम्मान-समारोहस्य सहभोजनस्य च आयोजनं कृतम्।

अस्मिन् कार्यक्रमे पूर्व-राज्यपालः, मुख्यमन्त्री तथा महापौरः मुख्यातिथिरूपेण सम्मिलिताः अभवन्। अस्मिन् अवसरे भगतसिंह-कोश्यारीमहाभागः उक्तवान् यत् बाबासाहेबस्य स्वप्नं भेदभाव-रहित-समाजस्य निर्माणम् आसीत्, यत्र प्रत्येकं व्यक्तये समानं सम्मानम् अवसरं च प्राप्येत। तेन उक्तं यत् एतादृशाः सहभोजन-कार्यक्रमाः सामाजिक-समरसतायाः, समानतायाः तथा भ्रातृत्वस्य सशक्तं सन्देशं प्रददति।

तथैव महापौरः गजराज-बिष्ट-महाभागः बाबासाहेबं संविधानस्य प्रमुख-शिल्पकारं निर्दिश्य उक्तवान् यत् तस्य उद्देश्यं धर्मनिरपेक्षस्य समावेशिनः राष्ट्रस्य निर्माणम् आसीत्। तेन उक्तं यत् प्रधानमन्त्रिणः नरेन्द्र मोदी-महाभागस्य नेतृत्वे देशे समरसतायाः सम्मानस्य च भावनाया: संवर्धनं क्रियते।

अनेन क्रमेन ते नवरात्रि-पर्वणि पर्यावरण-मित्र-परिवारैः सह कन्या-पूजनं सहभोजनस्य च आयोजनं कुर्वन्ति, यत् ‘वसुधैव कुटुम्बकम्’ इति भावनां दर्शयति। कार्यक्रमस्य दौरानि बी.डी. पाण्डे-अस्पताल-नैनीतालस्य प्रमुख-अधीक्षकः डॉ.तरुण-कुमार-टम्टा-महाभागः, पूर्व-सैनिकः हरीश-चन्याल-महाभागः सहिताः विभिन्न-क्षेत्रेषु उत्कृष्ट-योगदानं दत्तवन्तः अनेके जनाः सम्मानिताः।

अस्मिन् अवसरे जनपद-पञ्चायत-सदस्या डॉ.छवि-काण्डपाल-महाभागा, मीराबाई-ग्राम-संगठनस्य अध्यक्षा ज्योति-धपोला-महाभागा, ग्राम-प्रधानः पूजा-देवी-महाभागा, दीपा-आर्या-महाभागा, दिनेश-जोशी-महाभागः, मनीष-कुल्याल-महाभागः, क्षेत्र-पञ्चायत-सदस्या नन्दी-देवी-महाभागा, पूर्व-मुख्य-शिक्षा-अधिकारी आर.सी.-आर्या-महाभागः, कैप्टन मङ्गल-राम-महाभागः, नैनीताल-दुग्ध-संघस्य अध्यक्षः मुकेश-बोरा-महाभागः, ब्लॉक-प्रमुखः के.डी.-रुवाली-महाभागः, भाजपाया: जनपद-उपाध्यक्षः नवीन-भट्ट-महाभागः, महिला-मोर्चाया: प्रदेश-मन्त्री विजयलक्ष्मी-चौहान-महाभागा इत्यादयः बहवः जनप्रतिनिधयः मातृशक्तयः च उपस्थिताः आसन्॥

हिन्दुस्थान समाचार / अंशु गुप्ता