अररिया-नगरम्, १४ अप्रैलमासः (हि.स.)। भारत-रत्न-समन्वितः, भारतीय-संविधानस्य शिल्पकारः तथा सामाजिक-न्यायस्य अग्रदूतः भीमराव रामजी आंबेडकर-महाभागस्य जयन्ती भाजपाया: जनपदकार्यालये मङ्गलवासरे जिलाध्यक्षस्य आदित्य-नारायण-झा-महाभागस्य अध्यक्षतायां सम्यक् आचरिता। अस्मिन् कार्यक्रमे मुख्यातिथिरूपेण पूर्णिया-जनपदस्य निवर्तमान-जनपदाध्यक्षः मनोज-कुमार-सिंह-महाभागः उपस्थितः आसीत्। कार्यक्रमस्य सफलं मंच-सञ्चालनं किसान-मोर्चाया: जनपदाध्यक्षः अश्विनी-वर्मा-महाभागः अकरोत्।

संगोष्ठ्याः शुभारम्भः बाबा-साहेबस्य चित्रे पुष्पाञ्जलिं समर्प्य कृतः। अस्मिन् अवसरः तस्य जीवनम्, संघर्षः, विचाराः तथा भारतीय-संविधानस्य निर्माणे तस्य अतुलनीय-योगदानं विषये विस्तरेण चर्चा कृता।

जनपदाध्यक्षः आदित्य-नारायण-झा-महाभागः स्वीय-संबोधने उक्तवान् यत् बाबा-साहेब-डॉ.अम्बेडकर-महाभागः संविधानस्य माध्यमेन देशस्य प्रत्येक-नागरिकाय समान-अधिकारान् प्रदाय भारतं सशक्तं लोकतन्त्रं निर्मितवान्। तस्य आदर्शाः सामाजिक-समरसतायाः, समानतायाः तथा न्यायपूर्ण-समाजस्य स्थापनायै सर्वदा प्रेरणां दास्यन्ति।

मुख्यातिथिः मनोज-कुमार-सिंह-महाभागः उक्तवान् यत् डॉ.अम्बेडकरस्य जीवनं शिक्षा, संघर्षः तथा आत्मसम्मानस्य प्रतीकम् अस्ति। तेन समाजस्य वंचित-शोषित-वर्गान् मुख्यधारायां आनेतुं ऐतिहासिकं कार्यं कृतम्। तस्य विचाराः अद्यापि राष्ट्र-निर्माणाय मार्गदर्शकाः सन्ति।

जिला-अनुसूचित-मोर्चा-इत्यस्या: अध्यक्षः गंगा-ऋषिदेव-महाभागः उक्तवान् यत् बाबा-साहेबः सामाजिक-भेदभावस्य विरुद्धं संघर्षं कृत्वा समता, स्वतन्त्रता तथा बन्धुत्व-आधारित-समाजस्य आधारं स्थापितवान्। तस्य जीवनं प्रत्येकं नागरिकस्य कृते प्रेरणास्रोतः अस्ति।

हिन्दुस्थान समाचार / अंशु गुप्ता