कानपुरम्, १४ अप्रैलमासः (हि.स.)। नारी-शक्ति-वन्दन-अधिनियमस्य अन्तर्गतं भाजपा-दलेन आयोजिताः कार्यक्रमाः महिलानां सशक्तीकरणाय नूतनां दिशां दास्यन्ति। एतेषां माध्यमेन प्रबुद्धाभिः महिलाभिः सह संवादः स्थाप्यते, सर्वकारस्य योजनाः व्यापकतया प्रचार्यन्ते च।

भाजपा-क्षेत्रीय-अध्यक्षः प्रकाश-पालः अवदत् यत् एतेन उपक्रमेण महिलानां सहभागिता अधिका सुदृढा भविष्यति। सः उक्तवान् यत् १७ अप्रैलमासे टाउन-हॉल-स्थले विशेष-कार्यक्रमः आयोजितः भविष्यति, यस्मिन् विविध-क्षेत्रेषु कार्यरताः महिलाः सहभागिन्यः भविष्यन्ति।

क्षेत्रीय-मीडिया-प्रभारी अनूप-अवस्थी सूचितवान् यत् अस्मिन् कार्यक्रमे ब्रजेशपाठकः मुख्यातिथिरूपेण उपस्थितः भविष्यति तथा अधिनियमस्य प्रभावान् विस्तरेण प्रकाशयिष्यति। अपरत्र झांसी-नगरस्य कार्यक्रमे बेबी-रानी-मौर्यः मुख्यातिथिरूपेण सहभागिनी भविष्यति।

कार्यक्रमस्य सर्वाः सज्जताः सम्पन्नाः सन्ति, बहुसंख्यकानां महिलानां सहभागिता सुनिश्चितीक्रियते इति दलाधिकारिभिः उक्तम्।

हिन्दुस्थान समाचार / अंशु गुप्ता