राञ्चीनगरम्, १४ अप्रैलमासः (हि.स.)। नारी-शक्ति-वन्दन-अधिनियमस्य विषये भव्यं सम्मेलनम् आयोजितम्, यस्मिन् सहस्रशः महिलाः सहभागीभूताः। उपस्थितजनैः नरेन्द्र-मोदीं प्रति कृतज्ञता व्यक्ता।

एषः कार्यक्रमः “पञ्चायतात् पार्लियामेण्ट-पर्यन्तं निर्णयेषु नारी, नवभारतस्य सिद्धता” इति विषयाधारितः आसीत्, यः पूर्णतया नारी-शक्तये समर्पितः। अस्य आयोजनं रक्षा-राज्य-मन्त्री संजय-सेठस्य मार्गदर्शने सम्पन्नम्।

अस्मिन् अवसरे बाबूलाल-मराण्डी, रोशनी-खलखो, प्रो०सरोज-शर्मा, विनीता-सिंघानिया, विजयश्री-साबू, पुष्पा-सहाय-आदयः विशिष्टाः उपस्थिताः आसन्। वक्तारः अधिनियमस्य महत्वं निरूप्य महिलानां सशक्तीकरणे अस्य ऐतिहासिकत्वं प्रतिपादितवन्तः।

सम्मेलनानन्तरं विशालः पदयात्रा-कार्यक्रमः आरब्धः, यः आर्यभट्ट-सभागारात् बापू-वाटिका-पर्यन्तं गतः। तत्र उपस्थिताभिः राष्ट्रपितरं प्रति श्रद्धाञ्जलिः अर्पिता, नारी-सशक्तीकरणस्य संकल्पः च पुनरुक्तः।

अवसाने संजय-सेठः उक्तवान् यत् नवभारतस्य निर्माणे महिलानां सहभागिता नेतृत्वं च अत्यावश्यकम्, अतः एषः अधिनियमः तासां सशक्तीकरणस्य महत्त्वपूर्णं सोपानम् अस्ति।

हिन्दुस्थान समाचार / अंशु गुप्ता