Enter your Email Address to subscribe to our newsletters
मन्दसौर-जनपद:, १४ अप्रैलमासः (हि.स.)। मध्यप्रदेश-राज्यस्य मन्दसौर-जनपदाय एष: गर्वस्य विषयः अस्ति यत् प्रतिभाशालिनी हॉकी-क्रीडिका शालिनी-सिंह इत्यस्याः सब्-जूनियर-एशिया-कप-इत्यस्य सज्जतायै आयोज्यमाने भारत-शिविरे चयनं जातम्। एषा उपलब्धिः तस्याः नवीनासु राष्ट्रिय-प्रतियोगितासु उत्कृष्ट-प्रदर्शनस्य आधारेण प्राप्ता अस्ति।
हॉकी-मन्दसौर-संघस्य अध्यक्षः कुलदीप-सिंह-सिसोदिया तथा सचिवः अविनाश-उपाध्याय इत्येतौ अवदताम् यत् झारखण्ड-राज्ये आयोजितायां सब्-जूनियर-राष्ट्रीय-चैम्पियनशिप्-प्रतियोगितायां मध्यप्रदेश-समूहः रजत-पदकं प्राप्तवान्, यस्मिन् शालिन्याः प्रदर्शनं अत्यन्तं प्रशंसनीयम् आसीत्।
शालिनी कक्षा-पञ्चमे एव सेंट-थॉमस-विद्यालयात् हॉकी-क्रीडायाः आरम्भं कृतवती। अधुना सा आगामि ७ मईत: आरभ्यमाणे भारत-शिविरे सहभागी भविष्यति, यत्र सा स्व-प्रतिभां प्रदर्शयिष्यति।
जनपद-खेल-अधिकारी विजेन्द्र-देवडा अवदत् यत् शालिनी मध्यप्रदेश-शासनस्य हॉकी-फीडर-केन्द्रे तथा केन्द्र-सरकारस्य ‘खेलो-इण्डिया’ केन्द्रे मन्दसौरे नियमित-खिलाड़ी आसीत्। अत्रैव सा राज्यीय-राष्ट्रीय-स्तरे स्वीयं परिचयं निर्मितवती, अनन्तरं तस्याः चयनं ग्वालियर-स्थिते प्रतिष्ठिते हॉकी-अकादम्यां जातम्।
शालिन्याः सफलतायाः पृष्ठे तस्याः परिवारस्य अपि महत्त्वपूर्णं योगदानम् अस्ति। तस्याः पिता किशोर-सिंह: (गुड्डू) स्वयम् अपि उत्तमः हॉकी-क्रीडकः आसीत्, यस्मात् तस्यै क्रीडां प्रति प्रेरणा प्राप्ता।
हिन्दुस्थान समाचार / अंशु गुप्ता