Enter your Email Address to subscribe to our newsletters
सूरजपुरम्, 15 अप्रैलमासः (हि.स.)।सूरजपुर-जिल्लायां कस्यचित् लघु-ग्रामस्य एका महिला संघर्षात् सफलतां प्रति गमनस्य उदाहरणं स्थापयित्वा आत्मनिर्भरत्वस्य नूतनां कथा लिखितवती अस्ति। बिहान-योजनया सह सम्बद्धा सियामुनी राजवाड़े अधुना न केवलं स्वपरिवारस्य आधारः जाता, अपितु अन्यासां महिलानाम् अपि प्रेरणास्रोतः अभवत्।
प्रेमनगर-विकासखण्डस्य महेशपुर-ग्रामपञ्चायत्याः सियामुनी राजवाड़े अद्य स्वग्रामे महिला-सशक्तीकरणस्य दृष्टान्तरूपेण प्रसिद्धा अस्ति। पूर्वं सा कृषिकार्ये, वनोपज-संग्रहणे तथा दैनन्दिन-मजदूर्यां आश्रिता आसीत्। किन्तु राष्ट्रीय-ग्रामीण-आजीविका-मिशनस्य ‘बिहान’-योजनया सह सम्बद्धा सती स्वभाग्यं परिवर्तितवती।
षड्सदस्य-परिवारस्य उत्तरदायित्वं वहन्ती सियामुनी पूर्वं केवलं कृषिकार्ये, वनोपज-संग्रहणे तथा मजदूर्यां निर्भरिता आसीत्। सीमित-आय-कारणात् परिवारस्य पालन-पोषणं बालकानां शिक्षां च एव सर्वा आयः व्ययिता अभवत्। कृषेः वार्षिकम् आयः प्रायः २३ सहस्रं रूप्यकाणि, मजदूर्याः १६ सहस्रं रूप्यकाणि, अन्येभ्यः कार्येभ्यः च १२ सहस्रं रूप्यकाणि आसीत्, येन आर्थिक-स्थिति दुर्बला एव आसीत्।
बिहान-योजनायाः अन्तर्गतं ग्रामे आगतस्य सीआरपी-माध्यमेन तस्या: स्वयंसहायता-समूहस्य विषये जानकारी प्राप्ता। ततः सा गौरी-महिला-स्वयंसहायता-समूहेन सह सम्बद्धा भूत्वा नूतनं प्रारम्भं कृतवती। समूह-संबद्धतया तस्यै सामुदायिक-निवेश-निधेः (CIF) अन्तर्गतं ५० सहस्रं रूप्यकाणि तथा बैंक-लिंकेज-रूपेण १ लक्षं रूप्यकाणि साहाय्यं प्राप्तम्।
अनेन आर्थिक-साहाय्येन सियामुनी कृषिकार्येण सह किराण-विक्रयालयं अपि प्रारब्धवती। अधुना तस्याः दुकाने प्रतिदिनं प्रायः ४६०० रूप्यकाणां विक्रयः भवति, येन सा प्रतिदिनं प्रायः ४५० रूप्यकाणि लाभं प्राप्नोति। अनेन तस्याः आर्थिक-स्थितौ महत्त्वपूर्णः सुधारः अभवत्, अधुना सा स्वपरिवारस्य उत्तमरीत्या पालन-पोषणं कर्तुं समर्था अस्ति।
सियामुनी राजवाड़े अधुना आत्मनिर्भरत्वं सशक्तता च अनुभवति। तस्याः एषा सफलता न केवलं तस्याः परिवाराय, अपितु समग्र-ग्रामस्य महिलानां कृते अपि अत्यन्तं प्रेरणादायिनी जाता अस्ति।
---------------
हिन्दुस्थान समाचार