गोरखपुरनगरम्, १६ अप्रैलमासः (हि.स.)। मुख्यमन्त्री योगी-आदित्यनाथः गुरुवासरे सायंकाले पिपराइच-क्षेत्रस्य लुहसी-ग्रामं गत्वा गोरक्षपीठस्य अनन्य-भक्तस्य स्वर्गीय-मारकण्डेय-यादवस्य ब्रह्मभोज-कार्यक्रमे सहभागी भूत्वा तस्मै भावपूर्णां श्रद्धाञ्जलिं अर्पितवान्।

उल्लेखनीयं यत् मारकण्डेय-यादवस्य १ अप्रैल-दिने निधनम् अभवत्। पूर्वं २ अप्रैल-दिनेऽपि मुख्यमन्त्री तस्य पैतृक-ग्रामं गत्वा पार्थिव-शरीरे श्रद्धासुमनानि अर्पितवान् आसीत्।

गुरुवासरे ब्रह्मभोज-कार्यक्रमे तेन तस्य चित्रे पुष्पाणि अर्पितानि तथा आत्मनः शान्त्यर्थं गुरु-गोरक्षनाथं प्रति प्रार्थना कृता। मुख्यमन्त्री तस्य परिवारजनान् प्रति अपि सान्त्वनां व्यक्तवान्।

हिन्दुस्थान समाचार / अंशु गुप्ता