Enter your Email Address to subscribe to our newsletters
- आभा आईडी निर्माणे 11 अथ अपार आईडी इत त्रिगुणिता वृद्धिः
भोपालम्, 17 अप्रैलमासः (हि.स.)।मध्यप्रदेशे ‘मिशन सक्षम आङ्गनवाडी तथा पोषण २.०’ इत्यस्य अन्तर्गतं कुपोषणस्य विरुद्धम् अभियानस्य गतवर्षे अभूतपूर्वा वृद्धिः अभवत्। पोषण-ट्रैकर-माध्यमेन क्रियमाणया यथाकाल-निगराण्या राज्येन गतवर्षस्य (मार्च २०२५) तुलनायाम् अस्मिन् वर्षे (मार्च २०२६) सर्वेषु प्रमुखेषु स्वास्थ्य-पोषण-सूचकाङ्केषु महती उन्नतिः प्राप्ता।
डिजिटल-परिचयः एकस्मिन् वर्षे चित्रं परिवर्तितम्। जनसम्पर्क-अधिकारिणी बिन्दु सुनील उक्तवती यत् डिजिटल-स्वास्थ्य-परिचये उल्लेखनीया प्रगति अभवत्। यत्र मार्च २०२५ मध्ये ‘आभा’ परिचयपत्रस्य निर्माणे केवलं ७.२१ प्रतिशतं सिद्धिः आसीत्, सा मार्च २०२६ मध्ये वर्धित्वा ८०.८७ प्रतिशतं प्राप्तवती। बालकानां कृते अनिवार्यस्य ‘अपार’ परिचयपत्रस्य निर्माणम् अपि ३२.१२ प्रतिशततः वर्धित्वा अधुना ९२.६० प्रतिशतं जातम्, यत् राज्यस्य डिजिटल-सक्रियतां दर्शयति।
भूमिस्तरे सेवा-वितरणे अपि सुधारः दृष्टः। तया उक्तं यत् आङ्गनवाडी-कार्यकर्तृभिः क्रियमाणाः गृह-भेटाः, याः गतवर्षे ९१.६५ प्रतिशताः आसन्, अधुना ९८.४४ प्रतिशतेन सह प्रायः शतप्रतिशत-स्तरं प्राप्ताः। स्वास्थ्य-पोषण-सेवानां महत्त्वपूर्णा कडी इति मान्यमानस्य ग्राम-स्वास्थ्य-स्वच्छता-पोषण-दिवसस्य आयोजनम् अपि गतवर्षस्य ७३.४३ प्रतिशतस्य तुलनायाम् अस्मिन् वर्षे ९३.३३ प्रतिशतं प्राप्तम्।
पारदर्शिता-सटीकता च नूतन-मानदण्डः स्थापितः। लाभार्थिनां सत्यापनार्थं प्रयुज्यमाने आधार-मुख-साम्य-प्रणाल्यां अपि उल्लेखनीया प्रगति अभवत्। गतवर्षे केवलं ३१.९३ प्रतिशत-लाभार्थिनां डिजिटल-सत्यापनं सम्भवितम्, अस्मिन् वर्षे तु एषः सङ्ख्याङ्कः ९५ प्रतिशतं अतिक्रान्तवान्। अनेन राशन-पोषण-आहार-वितरणे पूर्ण-पारदर्शिता सुनिश्चिता जाता।
सामुदायिक-सहभागिता भविष्य-संकल्पः च अपि वर्धितः। सामुदायिक-आधारित-क्रियासु ८८ प्रतिशततः वर्धित्वा ९६.९७ प्रतिशतं प्राप्तम्। एषा प्रगति डेटा-आधारित-सटीक-निर्णयानां तथा आङ्गनवाडी-कार्यकर्तृणां समर्पणस्य फलम् अस्ति।
---------------
हिन्दुस्थान समाचार